我到成都了！

       5月28日早上11點我終於出發， 係九龍站到搭大巴到深圳機場 ！好後悔無帶到車仔， 因為係落馬洲到要轉另一架大巴。 而我架單車pack 哂箱！即係點？即係要我搬過關！ 結果搬到我抽哂筋咁滯....因為箱野又大又重！ 一條咁短既路，我行左30分鐘....而且過境期間，大陸既海關仲要我打返開個箱比佢睇係咩黎！我頂佢 ，得閒得滯？


     而最令我傷心既係，係飛機delay 左兩個鐘....我傻仔咁坐係飛機度等出發........ 係成都落地已經係晚上8點， 坐的士去九龍鼎。九龍鼎係好多車友去西藏前既既住宿點，幾出名架。門釘(QQ識的隊友) 已經幫我book 左房～ 35蚊人仔一晚！雖然係單飛出發，但我幾個月前已經係論壇出post招同伴，仲登特開左個QQ同人傾，大約有10個人到。所以我會同其他人一齊踩，如果到時唔夾先再逃走～


就係呢到， 第一次去o的共用廁所同埋沖涼既地方～ 環境都唔係好差！

   　　　第2日我既隊友就開始陸續到達， 我地單車隊既成員係QQ 結識既，約好係成都既九龍鼎客棧集合

係成都踩單車去添置裝備

  
    　　我地決定左6月1日出發，而呢3日大家就係成都到買裝備， 觀光！但成都既交通都好危險下。 我地有隊友仲比的士撞到，好在無咩事！而且經過3日係成都hea逛之後，我地既成員由10位， 暴增到30位！ -_-" 佢地分別o係係客棧同旁邊既客棧招攬返黎！

   　 而我呢？ 呢幾日就去左探哥哥，姊姊。哥哥，姊姊係舊年越南 backpack時識既朋友， 估唔到有機會可以相見。 哥哥姊姊帶我係成都周圍遊下， 又請我食地道火鍋！食兔腰同埋其他古靈精怪既野。 仲邀請我上佢地既新居作客， 煮川菜我食，好窩心！


哥哥做的菜 :)

哥哥，姐姐

成都好出名的蹄花：　隊友　左起:  老鷹，恩哥，CC，門釘，遠影

傳聞到西藏既路好苦好苦，但我膽粗粗殺上黎！ 唔可以丟架！出發前一晚，對自己許下既諾言

    上床之後，遠影問我: 你無踩過單車，掂唔掂架？我答：管他媽的！反正我拚了命也要走完全程（普通話）





聽日開始，令我呢一世仔都值得驕傲既旅程終於展開。成為男子漢吧！