今年的我，沒有去冒險。朋友請我幫他們拍婚照
哈哈，多謝momo同明仔信任我
而家攝影咁普及。個個拎起相機都係大師。不過我係small potato
一年過去，地球依然轉動
我從超現實的世界跌回現實世界
一：
人地話係大學畢業之後o個一年，好多情侶都會分手
估唔到呢個咁不幸既詛咒竟然發生係我身上面
連Maggie 都話要分手！死八婆！黑人憎到死！阿叔痴起佢個樣扔飛標呀！(扔一千次)
不過我係唔會比呢o的分手戲發生架，好淒涼架T^T
豈有此理！亂咁up！明明錫到你燶都咁大膽！下次釘你十字架呀！
二：
竟然上雜誌同埋電視
TVB
Face 的訪問
Asia travel (pei 的訪問)
同埋竟然上左TVB，不過我無錄低。上電視呀！
明明我都好低調架啦，因為個blog 我都非常之咁率性，用哂口語同埋打埋粗口，竟然咁都會訪問我
三：
回來後的三個月我連續返左90日工 (呆Q左，勞動地獄.......嗚嗚)
因為旅行既關係，浪子基金已經燃燒哂。戶口結餘為零
加上我份工係無底薪既。而且岩岩入黎，好多野都唔係咁適應。
o個陣時，做野唔係咁如意。
直到師公黎左公司，教左我好多野，比左盞明燈我。
咁我先越做越好
不過其實係度度做野都差唔多，最關鍵既係你想成為邊類人。
自己既態度先係最重要
你要知道思想改變行為，行為改變結果
如果真心想做一件事，無論如何你都會諗盡一切辦法去做
人地係門口趕我出去，我就爬牆走返入黎，你再趕咩？我係窗口爬返入黎
總知今日我一定要做到三百份問卷。機會唔係人地俾架！係自己去爭取！
有人同我講過：一個叻既人，去到邊到都係咁叻。
我唔敢話自己叻，但講堅持，講毅力，講努力！我自問唔會輸比其他人
因為我非常好勝
成功既人就係每日都會鞭策自己向前行
我深信自己會比別人優秀
我深信自己會比別人努力
要做，我就要做得比人好！
要做，我就一定要做得比人好！
我深信努力就係王道！
如果做又三十六，唔做又三十六，打份工，表現差，比人屌兩句，糧又照出；表現好好，又唔會特別加你人工。升職又要睇老細中唔中意你。我諗我好快就枯萎。
簡單o的咁講：
捱唔係問題，但問題係你要知道為咩而捱。如果唔係就最撚痛苦，每日返工放工，日復日，年復年。拍無間道咩？
而家o的野又越黎越貴，食個lunch都要四十蚊先落到樓。人工又唔見加咁多 ，同埋咁既樓價，大佬，儲幾耐先有個首期呀？結婚又話要洗一筆，咁將來點辦呀？屌，越諗越灰。生活彩色都變黑白啦。
但呢o的係我地後生個個都面對緊既問題呀！
所以後生唔搏，唔通老左先黎搏咩？
不過我都好慶幸自己係咁熱血
我份工有時都好demotivate 。要目標感好明確先可以留係到。
但我好清楚自己想要咩。唔係係到hea 時間，等運到，等出糧。
on 99 係到唔知做乜撚，哂撚哂o的時間！
哥哥姐姐，時間唔係攞黎哂架！追唔返架....
最撚可憐同最撚悲哀既人就係自己都唔知自己做緊乜既人，最尾咪一事無成囉。
每當我返工好灰心既時候，我會問自己
世界上有咩事可以難得過踩單車上珠峰？
我連珠峰都可以踩單車上去，有咩事可以難到我？
我係一個追夢者
生活本來就伴隨著痛苦及磨練
趺到不可怕，可怕的是要重新站起來的勇氣
我還年輕啊，本來我就甚麼都沒有！我輸得起！怕甚麼？
年輕人，世界很大。闖吧！
世界是屬於我們的。
在城市生活，追求事業的成就時， 夢想的光芒會越來越淡
但生活是我的光明與自由
我一定會實現我的夢想
我會像太陽一樣耀眼
我有一個夢想，讓我跨越萬里
在浩瀚宇宙的這個藍色星球上
我會像流星一樣
劃出一條動人的軌跡
相信我。請相信我
在這個不完美的世界裡
我會活得非常精彩
ps: 小更正，原來我有去探險，估唔到係今年既12月尾我會走左去爬雪山，係零下十一度既地方紮營！我既新年就係雪山上面過～凍到high high！
揹住呢d 行李上山，重到死
零下11度，在雪地紮營
美麗的星空
其實現場情況係咁......T^T
凍到癲左
第二朝訓醒外面的景色
真是對你刮目相看啊~
回覆刪除共勉之!
回覆刪除雪山係邊度黎嫁?
回覆刪除