日喀則 ；終於殺到後藏 後藏風光無限好 輕鬆的一天 105km

       　   7點起身，出發去宗山古堡，我想去睇下！但旅館老板同我講話入面咩都無！得間空屋，咩都無得睇！所以最後就無上去！宗山古堡個故事係當年英國人入侵，藏族勇士奮死抵抗！最尾守唔住，勇士們全部跳崖！其實我覺得佢地好有型！寧死不屈，好man！好浪漫呀！！我好鐘意佢地呢份剛烈！寧為玉碎，不作瓦存！好值得後人敬佩。如果佢地當初投降，就唔會受到後世既尊敬。

今日既路好易走，無咩難度！係上好既水泥路，而且今日有lunch食！！好感動，因為唔使食饅頭了　T^T

宗山古堡

出發後，你仲見到佢係山頭上面

踩踩下見到咁既野，你知唔知咩黎？

close up！無錯，佢地係牛屎！因為冬天時太寒冷，佢地夏天時就會儲好多牛屎，哂乾哂！去到冬天時就燒牛屎取暖。(我係珠峰時燒過，無臭味架！）

但貼哂係外面，令到我有o的............

由於今日一o的都唔難，10點幾11點就到中間可以食飯既鎮喇！呢到再行多兩，三公里就到！

 呀！！！

食完飯後經過一間爛屋！就係到停低hea 下！估唔到呢到既風景咁靚！　我又溜走左去影相

 秋陽好鐘意影呢o的跳相

 小馬既倒立，好似蝙蝠呀！之後770又跟住做，點知佢做唔到，我又係佢附近，佢跳落黎時，一個cut down 劈落我個頭到............痛左我五分鐘！

 我就係出左去影馬兒同油菜花！　好靚架

 油菜花田呀！個blog既headline 就係呢到影架喇！

我仲影左幾張全景相～～～

到日喀則既路真係好輕鬆呀！就算玩左一大輪，去到既時候都只係三點鐘！　日喀則係西藏第二大既城市！係後藏地區既中心，係班襌既領地！　前藏係達賴喇嘛管，後藏就歸班襌架喇！所以我入城前，離遠就見到一座好似布達拉宮既宮殿！係扎什倫布寺呀！

唔知點解有o的咁既公仔，大家一齊玩啦～

扎什倫布寺

 佢竟然要收55蚊入場費！既然係咁！我地決定唔入去！可惡！

係日喀則行左一陣，就返旅館！討論一下明天既行程同埋可以點去旅行！因為攻略上話聽日同後日既行程係可以濃縮為一日！咁我主張就係咁，但大家唔想趕，係大家既堅持之下，就決定都係分開兩日。之後就話可以有咩短途單車輕鬆線可以玩下，佢地就推薦環海南島，十日就完成！仲可以係海邊wild camp！係海邊游水，夜晚睇星星！


Ｅ！環海南島有得諗！搭帳篷睇星星，可以帶埋maggie去！又唔會咁辛苦，唔會殺左佢！返香港可以計劃一下！