松多 明天我們一起到拉薩 98公里

              尋晚CC同我地住同一間旅館，我地想搵個o靚仔架車出黎，然後吉穿佢兩條胎！(幾賤，哈哈)但佢太醒目，特登唔泊係CC架車旁邊！我同過兒落去搵唔到目標就走左喇！

不祥的里程碑

                     今日既路接近100公里都係緩上坡，又係將體力燒清光。係我就黎死既時候，有幾架車經過，車入面既人伸個頭出黎大叫：加油！加油！


                     其實好多時有汽車經過，車入面既人都會打開隻窗，伸隻手指公出黎！每次見到呢個畫面，我精神都為之一振！每個陌生人都係到為我打氣！無錯！我係做緊一件令人由心入面佩服既事！好多時連我都唔知自己點樣爬過o的山！我用自己既力量一直走到呢到！我做得到！我做得到！疲累既身體再度起動！！





力量係身體既深處不斷湧出黎！






好出名既神石，中流砥柱。附近有哂指示叫人唔好落去影相，因為成日有人因為咁而被水沖走同浸死。

其實好多人都係呃屋企人，偷偷地走黎呢到，包括過兒，佢同屋企人講話去出差工幹。佢好驚比阿爸阿媽知道。呢條路太危險，屋企一定會反對。但佢今日唔知發乜鬼瘟，同屋企講話佢其實去左西藏，當然係被人鏟到上天花板！


               松多附近有個溫泉，門釘問旅館老板借左架電動三輪車，車哂我地去浸溫泉，但佢既技術有o的爛，架車係到fing 黎fing 去。老占就破口大鬧，話唔想係到拉薩之前一日出車禍被門釘幹掉。我地成車人都係到尖叫，跟住大聲唱歌！我地大伙一齊出發去浸溫泉。　


藍色間屋入面就係溫泉喇！

                    大家都好興奮，除左我.........聽日大家就到終點，但對我黎講，旅程只係去到一半。因為我仲要挑戰珠峰同埋尼泊爾。

                   門釘其實係路上同我講左好多次唔好踩去尼泊爾，話普通人踩完川藏線就夠哂皮，呢條路好少人踩，一整日你都可以見唔到有單車隊，而且路況同食宿都比川藏線差。加埋佢又唔係我身邊照顧我，我又唔識修理單車。架車壞左或者你出左事點算？每次我都支吾以對。門釘叫我唔好去，跟佢返屋企帶我去玩好過。

                   晚上7點就要上床訓，因為聽日4點就要起身趕路。川藏線最後，最高既米拉山就係前面靜靜地站著。等緊我地爬上去。半夜我訓唔著，又爬起身睇星星。唔知係心情問題，定係身處海拔4300米，星星顯得特別明亮。




今日係同呢幫人一齊旅行既第三十一日！明天就到終點。究竟大家內心諗緊乜野？




朋友們，明天我們一起到拉薩，好不好？