我在拉薩沙沙滾的日子 ； 無論如何都要堅持自己既想法！

                    到左拉薩已經一個星期，係拉薩既生活節奏好慢， 好舒服， 好hea，呢幾日都係四圍逛，我亦同旅館既老板混熟左， 老板好好人! 煮飯又預埋我，平時又介紹o的藏族朋友比我認識~ 有時成個下晝就同佢係到飲啤酒，傾計。 夜晚就同佢o的朋友飲藏族青稞酒，青稞酒好似益力多咁既味。唔似係酒，你唔覺唔覺就會飲左幾桶。所以好易飲醉酒。呢幾日我一路係到痴飲痴食～哈哈

    　　　　　　
                    老板以前都係踩單車黎拉薩架，但佢到左之後就唔想走， o個時佢手上只係得返2千蚊人仔， 之後左借右借，攪黎攪去， 卒知就係到開左間旅館~~到而家黎左五年，分店都已經開左兩間。我同老板好岩傾 ，我發覺夠薑一條友出黎流浪既人既性格同諗法都係差唔多～！

拉薩市同我想像中真係太大出入喇

購物點，門釘超勁！三百蚊既野比佢講到得十蚊成交！

我地間旅館就係到！極方便！只係八十蚊一間雙人房！有wifi！ 老板太好人！我誠意推介比大家！　要訂房搵我！我幫大家訂！

 大昭寺

老占因為影左呢張相，而被解放軍捉左去問話

       　　　 我Team 人今日走啦， 呢次旅行最大既收獲就係認識到門釘！我真係會認門釘係我大佬！係路上我真係受過佢太多照顧喇......


          　　  而最感動既係金龍尋晚同我講，話一開始出發既時候， 就知道同我一隊一定可以走完川藏線！ 記唔記得有一晚我地要趕路去阿斯瑪村， 成九點都仲未到目的地， 而且又係上緊山， 大家都崩潰了，個個都接近放棄，成隊全部都推車！ 只有我一個人死都唔肯落黎推車， 一路係到踩， 當時我同大家講， 我係香港黎到呢到係要踩單車， 唔係黎推車， 我死都唔推車， 死都唔搭車！

    　      我係呢到一次都無丟過香港人面！比內地同胞知道我地香港人有幾堅! 大家都話我呢個第一日包尾既香港仔已經成為呢隊入面最牛B既人。




 呢一個月大家一齊走過好多難關，共患難！ 擁有好多呢一世都唔會忘記既回憶。


第一日出發，隻腳痛到郁唔到，上唔到樓梯；比狗追；累到訓馬路；差o的跌落山.......經歷過太多事。我地亙相扶持！一直走左二千一百公里！而家要分開喇。我唔敢去火車站送佢地走，我最怕分手戲。但大家走既時候都攬住我！令到我覺得好溫暖。


一路上我們八個人誰也不放棄誰。同歌同泣，同受苦難

 無論如何都要堅持自己既想法！

     　　　尋晚有件突發既事令到我個plan 亂哂，本來同我一齊踩去珠峰同尼泊爾既老鷹突然決定唔踩， 要坐車去尼泊爾！ 令到我好嬲，嬲既唔係佢唔去。嬲既係因為聽日出發，但而家已經係夜晚十一點，仲有八個鐘就出發！點解要咁遲先同我講話唔去！如果一早決定左，早幾日到拉薩時就應該話比我知！


 　　　　      而家得返我一個人，究竟要坐車去定踩單車去？ 其他隊友知道左老鷹唔踩，得返我一個。都唔比我一個人踩去， 因為太危險！ 門釘直情幫我打電話搵車。大家未黎到拉薩既時候已經千叮萬囑， 叫我去尼泊爾要小心， 唔得就搭車， 唔好死頂！ 因為大家都知道我超級固執！


  　    　　但我係到諗， 我一路上都堅持過黎， 唔通我呢一刻要坐車去？唔通我要放棄當初既計劃？雖然我當初係好兒戲咁係地圖畫幾個叉就決定黎呢到。但咁唔代表我做人兒戲，咩都玩玩下！我係男人黎！唔可以咁！我唔想放棄我當初既計劃！我唔要半途而廢！我唔要講得出，做唔到！




係阿斯瑪因為同隊友鬧分歧，加埋身體支持唔到而搭車搭左一百公里。已經令到我好後悔。


                   當時我有上網搵朋友傾，我同阿mo講呢件事，阿mo叫我踩埋落去！我諗左成晚， 諗左好多野， 本來我地由媽媽個肚入面就係一個人降臨到呢個世界！人本來就係孤單！人本來就係一個個體！點解我而家會有依賴既諗法？


 　　　本來我就係打算自己一個人踩， 我怕乜野？  而且我相信我呢一世人只有呢一次機會踩單車上去珠峰！踩上珠峰有幾多人做到？我好想係珠峰上面舉起架單車影相！因為真係好有型！(好難理解既理由，但我當時真係咁諗)


        男子漢大丈夫！ 頂天立地!！說了便要做到！ 現在太多人只光說不做！ 我說了要做！便一定會做得到！




           　　我都係決定踩單車去！我同老板講，老板好支持同埋欣賞我咁做，老板話： Stephen，好難得你可以做一個咁既決定，而家好小人可以一直堅持自己既想法。


                 當時CC係我地附近住，佢知道左我要一個人踩去尼泊爾之後，即係過黎我地到，仲比左張紙我，話佢住間旅館有人搵同伴一齊踩去尼泊爾。咁我就即刻跟CC去佢間旅館搵o個幾個人。



我要堅持自己既想法！ 唔可以放棄！無論如何都要堅持自己既想法！



                  路就係咁走出黎。只要堅持，堅持！再堅持！我唔知道前面有咩等緊我，但我當時只係知道，我要跟住自己個心而行動！

 冒險之旅要再開始了！