六點就要起身，因為要爬岡巴拉山。傳聞話呢座山好變態， 所以我唔敢輕視佢！7點正就要死出門口...好耐無爬山!!
出門口大概一個鐘到， 全個旅程最恐怖既事發生喇！ 前面有架車係對面線迎面而黎。正係我地就黎並排之時，係我架車前面大約2cm 有塊野快速打橫飛過，仲係有破空之聲.....我即刻停車，.對面架車亦停低左檢查，後尾發現係個碌中間o個塊銀色鐵片飛左出黎.....oh! my god！ 如果我踩快小小， o個塊鐵片就會欄腰劏開小弟.....斃命當場！ 點解o個塊野都可以飛出黎， 真係聞所未聞！見所未見！ 大陸真係無奇不有！死左都唔知咩事......
休息得幾有霸氣 ，仲要吊住條饅頭！幾瀟灑！ (如果呢件事係香港做，比人笑到臉都黃)
黃色個牌仔係咪好得意呀？通知你之後既上坡係咁既形狀..............
每次見到個牌，我都有想喊既衝動.....
你見唔見到個司機拎住舊鐵呀？就係呢塊野差o的將我斬開兩碌
由於有個咁驚心動魄既故事........令到我內心非常慶幸！我竟然仲生存係呢個世界上面！ 但路都係要走， 經過呢段之後就開始爬山，二十三公里盤山路。 呢個山又係無限Z型........而且好大霧， 能見度大約有2米........好驚被前面黎既車撞瓜我！！但大霧都有一個好處既，唔使睇到o的路，無咁灰。
呢座山真係好難爬呀!!! 一公里要爬成十分鐘....爬到我嘔電! 係嘔左五個鐘電之後， 我先爬到山頂! 筋疲力盡了... 想話係山頂睇羊湖！ 但太大霧， 咩都睇唔到！ 好失望！ 因為秋陽同我講話如果天氣好， 陽光打落水上面， o的水會變成7彩既顏色！我都信信地， 因為西藏既風景有時真係可以靚到個程度係你唔可以相信，好夢幻！ 所以睇唔到我好失望
我累到hihi.....已經呆左
大霧到咁呀！完全睇唔到下面
山頂里程碑好似係35.5到
開頭睇唔到羊湖好失望。
唯有落山， 開心既事發生喇！ o的霧原來淨係係山頂既位置，當我地落山既時候， 就見到羊湖了！我地仲出左去觀景台影相！ 玩左一大輪之後， 再落到湖旁！ 嘩！o的水好清呀！ 同埋o的色係好靚！決定係到食午餐 (饅頭...)
又係幾層既下山路
係喇！就咁扔佢出去啦～
為食既狗
食饅頭時間！
o的水幾清！
再出發時又下雨，好討厭呢！！呢段路我有小崩潰.......好累............ 其中有段路可以走捷徑， 可以走小7公里！ 哈哈~係就到浪卡子既時候！ 秋陽同埋770 都唔掂了！ 咁我都坐係到hea 下！ 可能佢地係直接到拉薩and 太耐無踩單車！ 今日對佢地黎講好heavy！
呢張經典，累到小崩潰既相
浪卡子！我成日都話佢叫浪子縣，岩我住～哈哈
到左之後，秋陽and 770不斷咁埋怨好辛苦，我就拋低左句：這當然是辛苦， 如果要埋怨就不要來....我後尾諗返我語氣好似太重，好過份咁。
浪卡子都係一個破城鎮，繼續無得沖涼～
個湖好靚
回覆刪除