像海一樣的納木措

                 因為老鷹既事令到我煩惱左一個晚上，但我亦都有漏夜出去尋找新同伴。結果我係CC既提示下，黎住張紙打電話，搵到三個人。同佢地見左一次面之後，就決定同佢地一齊上路去尼泊爾。但由於佢地架單車仲未到拉薩。(因為係托運，所以要等多兩日)因為咁，我決定同李哥先去一轉納木措觀光，然後先再出發。咁時間就岩岩好。


              　我同李哥會去納木措兩日一夜，去影下相。諗住二百公里好快到。點知因為當時係西藏既六十大慶，所有車輛限制速度。原本兩個幾鐘可以去到既地方，我坐左差唔多六個幾鐘...我係架車到有o的想自盡既感覺....大佬！你使唔使開到咁慢呀...........


納木措

 　　　　其實今日天氣唔係咁好，我一路坐車時，見到既全部都係雲！我內心好希望二百公里外既納木措係晴天。你睇下幾大霧！翻過呢個山頭就係納木措喇！

好似有o的晴天woo！！

下山後都要行一段路先到，條路上面好多好似倉鼠既野走黎走去，好可愛。

周圍都係羊，我叫佢地做暗瘡羊，因為周圍都係。好似個地下生滿暗瘡咁～哈哈

到喇

佢唔似一個湖，佢似一個海。

o的水幾清！

我地兩點鐘係拉薩出發，去到時已經差唔多八點！好在呢邊九點幾先天黑，仲可以走左個圈影相。我地又四圍講價搵旅館！結果我地講到三十蚊一位(你要知道旅遊區會住得好貴！但竟然比我殺到價！好高興！) 今晚李哥請我食飯，因為佢話我仲要去尼泊爾，唔好亂使錢。T.T

納木措海拔高，夜晚好凍。我頂唔住返房訓，李哥走左出去影星星。


第二日六點幾就起身出去影相。

其實都唔使去到南美咁遠，呢到都幾天空之鏡呀！　好靚呀痴線

靚到暈！點解可以咁美麗？？

天空同湖水分唔開

第二日我地三點鐘返到拉薩，返到黎之後接到小馬電話，話大家o的單車到哂了。聽日就可以出發。而李哥聽日去黃山探朋友。最後一個隊友都要走了。明天就開始新既旅程。



ps: CC係大家走哂之後竟然入住左我地間旅館，而咁岩又比我發現左！係我嚴刑質問下佢終於認左同個死o靚仔拍緊拖！不過算佢有良心，送左本尼泊爾既lonely planet 比我！我係拉薩搵左幾日都搵唔到呀！去到書店我又唔知lonely planet既中文係乜！唯有直譯，請問呢到有無孤獨星球賣？我自己講都覺得好白痴。而家唔使煩！哈哈