我地將架單車停泊係guest house，係尼泊爾玩完之後先返黎加德滿都拎車。因為無論如何，我地都要係到坐車返樟木。我亦都開始聯絡係拉薩既老板，請他幫我開始找黃牛火車票。因為係拉薩到，返廣州既車兩日先得一班。如果買唔到卧鋪，坐硬座回家既話釘硬，因為要坐56個鐘！非常變態。
我地幾個7點鐘就好興奮咁係guest house 門口，等人黎接我地搭車。展開我地3日兩夜既National park 之旅。不過架車搭左成六個鐘先到奇旺，我坐到屎忽都爛咁滯。你會發覺好神奇一樣野，就係係National park入面竟然有wifi！
其實第一日幾搵笨，去到食個lunch，就話休息到3點先有活動，之後去參觀附近既村落，去視察下民情咁。(咁都當一個活動.....) 當然啦，呢到既人係非常窮，佢地既屋好似一推就爛咁....好似係用泥起既..好薄好薄！其實要度門黎係多餘既，因為o的人係外面大力o的推，佢地幅所謂既牆就會穿左。
坐車中的小馬
我們的guest house
唔知你睇唔睇得出幅牆好薄？
森林的入口，騎象活動一小時收費1000尼幣 (約HK100)
跟住四圍行下，其實真係幾無聊，咁佢都夠膽當係一個活動！
河邊
咁係呢到我見到好多人係河邊洗衫，而o的小朋友會衝落去游水，但我呆左！佢地係咪痴左線？因為我今日係條河入面見到..........
佢地咁夠膽係河入面活動，唔驚死架？好恐怖！
日落
夜晚去左睇o的民族舞，普通野，少少悶。不過好開心既就係呢到晚黑又係無電，成日停電，供電有時係用自己發電機。結果就係四圍都係一片漆黑，天空又係一堆星星。好靚好靚。其實今次旅行，好好彩，成日夜晚都見到好多好多星星。個畫面好感動！
Day 1 end
第二日食完早餐就出去騎大象，好緊張呀！！唔知陣間見唔見到老虎呢？不過不幸既係原來要join 最貴個plan，直情住係森林入面先會見到老虎.....我地呢o的住森林外圍加上bad season 下......要見到老虎係難過登天！雖然話就話bad season，不過so far 到而家都未落過雨，真係好好彩，活動可以順利進行。
騎大象的地方
我已經放棄左自己既儀容
o的泥爛哂架！
大象其實係有頭髮架！不過好核突
登！ 見到犀牛！！！！
母子犀牛的pat pat！
犀牛BB
大家全部人睇住佢去廁所
佢地唔耐煩走喇
發現小鹿班比
大樹
騎大象大約玩左個半鐘之後就返歸喇！話口未完，一返到去就開始落大下雨喇！我開始擔心下午既活動會唔會取消。不過係呢個時候，大象既driver 帶左佢地去河邊沖涼。於是我又跳落去一齊沖！(頂，好驚比鱷魚咬呀！)
等沖涼
出發
好驚呀！頂你
pk！唔好亂咁噴水啦！
查實隻象唔係咁鐘意比我地騎，佢千方百計將我地摔落水！(當然佢成功左)
返上黎喇！
你乖啦～～
返屋企沖完個涼，佢竟然又天晴喇！好好運！於是就去另一個活動就係坐獨木舟睇鱷魚。o的鱷魚係隻獨木舟旁邊喳！佢一咬過黎我地成船人就瓜得！不過呢到不得不提，因為我地o個到有一班係中國既老師黎旅行，咁導遊就話chinese 坐一條獨木舟喇！人地已經一早講話要靜，唔好企起身同伸隻手落水。佢地成船就超大聲咁係到咁講野，又企起身，有個阿姐仲搵o的水潑o的鱷魚。
導遊係咁叫佢地守規矩，佢地就一句都唔聽。成程都好似失控咁，我都叫左幾次安靜o的可以嗎？都無人有反應。落船後，導遊笑住同其他外國遊客講，中國人就係咁。o個一刻，我覺得好丟面呀！中國遊客好時都真係抵比人恥笑。點解我會同佢地一隻獨木舟？我同770佢地當時都好無奈。有句說話係講得好岩架，中國遊客受人歡迎；但不受人尊重。
你睇下個阿姐就係咁企起身
鱷魚
個阿姐搵水潑佢..........
登陸之後，就開始Jungle walk！係森林入面搵動物，之前就係有人係jungle walk 時比隻老虎撲出黎咬死左。我都好緊張！不過最終咩動物都睇唔到 (pkpkpk！) 我地既步行終點係大象既養育中心。一路行，我隻腳就被o的吸血蟲吸住！好煩！
係快到既時候，我地聽到一聲大象既哮叫！導遊就叫我： run！ 我擰轉睇！仆街！有隻野生大象衝緊過黎！之前睇過o的書話野生大象好憎人類，因為我地霸哂佢o的地方！聽講野生大象性情好暴戾架！成日都有踩死人既事發生！我當時就好驚啦！係咁跑係咁跑！辛知比我地跑到去大象養育中心。
未被大象追殺前
jungle walk 的開始
搵動物中
森林
開始比大象追殺！
就係佢喇！
野生大象係出面發神經！
原來點解我地會係到見到呢隻發瘟象，係因為佢要搵女人。養育中心養左好多女人象，野生象係黎交配架！( 賤格！) 以前呢，個大象中心係有養雄象，雌象同小朋友大象架！不過當時中心比o的野生大象襲擊，你都諗到啦，家養象點夠o的野生象打！最尾所有雄象同小象比佢地殺哂！(好有南京大屠殺既感覺！)，所以而家入面無公既大象架喇！費事又比人殺多獲啦。
不過而家佢地多左o的電欄，電過佢老味幾獲！而家野生象就驚左唔敢入黎
呢，o的電線睇唔睇到呀？
不過呢，當時我地衝入去中心時，佢地咁岩個欄壞左，無電到......係咪好盞鬼呀？好在隻象瀨過幾次野，而家佢唔敢行埋去！如果唔係又黎大屠殺！順便踩死埋我
佢仲要賴死唔肯走呀！！
大象中心的女人同小朋友
參觀完中心又係時候死返去guest house。如果我地停多一日，可以用越野車去睇湖。
返去時條獨木舟搖黎搖下，好驚
水牛要渡河！
有十分一似o的discovery channel 既非洲動物過河，但我無錢去非洲，呢到頂住先
走o個一日落住大雨，真好彩！
下一站 - 波卡拉
這次旅行不是為了要証明自己的能力或者印證自己存在的價值， 就算翻過這24座高山， 也不代表甚麼。旅行的原因只是因為：我想做。 就是這麼簡單。我就是我， 我不需要做甚麼事去証明自己！ 我相信我自己， 只要擁有強大的意志， 世界上就沒有甚麼難關！記住！人的潛能是無限的！ 你只要告訴自己你做得到， 你就可以做到， 可能沿途會有很多人說你做不到， 你不需要理會， 相信自己！ 只要堅持就會成功！要無比的堅定！意志要如鋼如鐵， 當精神超越身體， 奇蹟就會發生
而家社會同埋傳媒會標籤我地呢一代為80後，其實大家對我地既評價非常負面。話咩而家o的80後唔捱得，做事唔負責.........下刪１萬字。但你夠唔夠膽話我呢個80後唔捱得？中國人有句說話叫：養不教，父之過。我咁講唔係話要將呢個責任踢比父母。但我想問一句，80後既父母，乜唔係50後，60後，70後佢地咩？而家批評80後既，就係佢地。小朋友成長成咁，唔通一o的都唔關父母事？
喂，大佬呀！你由細到大都食好，住好！挷條鞋帶都叫工人做，咁佢地係社會到點生存呀？人地鬧你個仔兩句，你都話要搵律師告人。咁佢大個唔做條死廢柴都唔得啦！係咪呀？
再唔係又話我地覺得現實同理想有太大落差，所以先會有咁多示威呀咁。大佬呀！有時o的野點解要追求先？可能以前香港窮，大家都將食飽飯列為頭號任務！但食飽飯之後呢？係咪要追求一o的更高層次既野？好多野唔係講一句：係咁架喇！就要人接受。
而家香港既問題既係一代人搵哂幾代人既錢，社會被嚴重monopoly 呀！想話推行競爭法咩？但就遲遲出唔到！想話賣樓要用實用面積賣咩？又唔得呀！都痴線既！唔係咩都可以比政府同大財團胡混過去！就係因為而家資訊更加發達，好多野都呃唔到人！所以我地先會對呢個社會咁失望！就好似起高鐵有咁多人有反對，都一樣照起！你吹呀？乜都唔好講，想當年大亞灣核電既興建，有幾多人知道，如果佢一爆，我地全香港就一齊仆街。
活係城市既人就係善忘。你見到種票，好大件事咩？大家一陣就又唔記得啦～溫水煮蛙。而家唔係話雞蛋衝擊高牆呢個問題，而係其他人見到咁，仲話你地o的雞蛋整污糟哂o的地方呀！
如果我追求一o的咁既野，你都話我野蠻既話，你仆街喇！大佬，你人黎架！唔係豬黎架！
今日沈默既人，都係歷史既共犯。
我唔可以代表全部生係呢個decade 既人講野，但起碼會係部分人既心聲。(其實我只係一個典型既後生仔。)
不過唔同既就係，我本來就好反叛。做人我行我素。我份人高傲到不得之了。唔知你感唔感覺到？我係o個o的寧願乞食，腰板都要挺直o個o的性格派。 做人唔可以無傲骨！
就算我只係世界既一粒小石頭，我依然要單挑這個宇宙！！
你個旅程正呀～～ 騎單車去咗咁多地方，真係佩服你既毅力！
回覆刪除每篇blog見到d 粗口我都笑癡, 真係好順口.正!!!
回覆刪除"今日沈默既人，都係歷史既共犯。"呢句說得好!!!!
十卜！你是个有思想的後！
回覆刪除