拉孜 平淡的一天 90公里

             今日一起身就落雨，仲要係幾大雨。本來6點半就應該起左身，但因為太大雨就訓多一個鐘！但大雨都係無停既跡象。但無論點，都要準備出發。而且今朝發生左一件好不幸既事，就係門釘比我既氣筒唔見左，我翻過所有行李同埋其他地方都搵唔到！希望日後我唔好爆胎啦......



上山苦況



























下雨天，　苦
           今日係緩上坡路，即係睇落去係平路，其實暗地裡上坡。最討厭呢o的路，無力踩呀！兩個鐘先踩左25公里，之後今日經過318既5000km牌，影左幾張相................唉！今日又無飯食！又要食饅頭，好折墮呀！！我好憎食饅頭呀！之後係五公里上坡 ，明明又話好輕鬆！！屌呀！辛苦到抽筋！死仆街！又呃我......呀....我就死喇！


路上既情況

國道318 ，5000公里里程碑！

我地係真正既5000公里既里程碑到食午飯，頭先o個個華麗碑其實係假既，未到架！

唉......餐風露宿就係呢o的！

五公里上坡

 又爬到上頂喇！黎到呢個階段，個山幾多米我已經唔care 喇！已經習慣左，我連呢個山都唔知叫咩名.......爬太多山喇

山頂山未完工既公廁

已經到達拉孜喇！

            今日我都無咩心機影相，大家睇到既相好多都係秋陽部機影，因為佢部係機仔，所以影出黎差o的！如果大家細心留意就會睇到邊o的係秋陽部機影出黎架喇～






         o的人成日以為流浪好浪漫！以為係咁既人通常係未去過流浪！我出左黎大約五十日到！其實你已經會去到唔理自己個樣係點，你睇下我踩單車踩到成個黑人咁，成個人瘦哂！食唔好，住唔好！流浪，旅行唔係一件咁浪漫既事，我而家都幾似一個乞衣～哈哈！已經唔似一個旅行者喇。一個展開左長期旅行既人應該會有咁既感覺，特別係我而家呢o的地區旅行既人～



拉孜食晚飯，黑到呢........呢位朋友究竟受左幾多苦？

            大家提議過兩日休整，但我反對！我唔想休整喇，我而家只係想儘快到，我想快o的返香港！我好掛住maggie 呀！(所以嚴格黎講係因為想見女朋友先想返香港～～～哈)