我為自己的信念而活！ 讓我驕傲一輩子

電影：賽德克 - 巴萊

如果只能像動物一樣活著。那我寧願像英雄一般死去，用我的生命譜出永不屈服的歷史
 


                    　瘦小既我，連120磅都唔夠！但架單車連埋行李差唔多有我一半咁重！我究竟係點樣帶埋佢地翻過十幾廿座四千幾，五千米既山架？平時係香港吹下風扇都會病既潺仔(唔係講笑，我真係試過)！究竟係點樣黎到呢到？唯一可以詮譯既，大概就係意志可以成就一切！



珠穆朗瑪峰         讓我驕傲的理由

珠峰上美麗的星空

天亮

               　     今日全日都係欣賞珠峰，好幸運！可以睇到全裸既珠峰。不得不提既就係呢到間郵局個職員態度好差！我又點會忍到woo！呢o的時候，我當然係開火喇！而且呢到寄o的postcard 勁貴！仲要賣成120蚊人仔一張！what the fuck！搶錢大行動！

   　　
                         我地就係住係呢個帳篷入面，老板動員一家大細黎營運，平時就係大女睇住個場，大女個名叫南迦卓瑪 。我問過南迦，卓瑪點解。原來卓瑪係美麗既意思。如果係男仔就好多時會叫次仁，而次仁係長壽咁解。南迦好好人，我都幾鐘意佢！雖然佢比我地劈價，佢都一樣好好咁招呼我地。原本呢到係住緊四十蚊一晚。但我講到二十蚊就可以。而且甜茶都減到只係7蚊！我呢個劈價專員一路上都做得幾稱職！哈哈

      帶埋架生上黎煮野食，真係好高興！因為大本營呢到得炒飯同埋麵！食到好悶～

珠峰池

我黎喇～～～

前進！

珠峰前的我們

呢到就係武警住既地方，你唔可以走過前面既一條線，你一過左佢地就會即刻開槍打過黎！無情講！除非你俾錢啦，你交三十五萬俾中國政府就可以登山啦，就可以穿過呢條線！5200米既珠峰大本營係一般普通人可以去到最高既地方！一過左呢到，就要交三十五萬稅同埋登山費比中國政府！

中尼線的隊友

係香港出發前，我就一直想影張咁既相喇！

仆街喇，唔夠力！跌落黎喇！哈哈～～

就係唔可以走過呢度喇！

強！大隻男！

770觀山中

小馬成個印度僧人咁～

萬佛朝宗！

一路上我都好似無掛過經幡，不過我係呢到掛左一個。係接近全世界最高既地方許左個願，希望靈啦　(頂你個肺，呢鋪夠浪漫啦掛，無得輸啦掛？係邊到搵個男仔係個咁正既地方許個願比你　(得戚樣~~) )


我係呢到許左一個願

啊！這就是珠峰！

這是大家都想看的珠峰

世界最高點！

我都懶係強壯咁，除左件外套影相！但太凍！我係十秒之後即刻要著返衫～～

動感照系列:

我都飛腿一下

我跨過珠峰

秋陽你究竟幫我影成點呀？影唔影到架？

我想成為一個強大的男人！做一個頂天立地既男子漢！

珠峰在召喚我！

日頭就係咁既，晚黑就全部都係星星架喇

                因為尋晚睇唔到星星，所以今日無論如何我一定要睇到！以前CC同我講過珠峰既星星係好似拳頭咁大！我一定要親身証實一下！半夜十二點幾，一點爬出帳篷！外面凍到我痴哂線！兩行鼻水係咁流！都係為左要係珠峰睇星星！叫做浪漫一下嘛！有o的 fantasy咁囉！你諗下，返到香港！你攬住個女朋友，就同佢講話，想當年我係珠峰睇到既星星好靚架！呢個moment做男人既你幾有型呀！我山長水遠係四川，揹住門釘借我既腳架！就係為左要影珠峰既星星！大佬！揹左千幾二千公里呀！仲要帶埋佢翻幾千米既高山！就係要影呢到既星星！唔係睇唔到呀？我喊架！



好在皇天不負有心人！我見到成天都係星星！不過就無拳頭咁大咁誇張囉！

珠峰既星空係咪好靚呀？而且珠峰見到既月亮係好光好光架！