浪漫的青春冒險: 吉定　　　　　　油菜花田的世界　　61公里

今日可以訓到7點半先起身，因為今日既行程只有61公里，可以慢條斯理食完早餐先出發。朝早係35公里既起伏路，即係不斷上斜落斜，有小小累。中間休息時撞到以前係二朗山時見過既深圳車友。今日實在好得閒，所以攻略先叫我地踩埋聽日既路！

你睇秋陽咁好精力就知咩事.....-_-"

但我都唔弱........幾high

條路可以半個鐘都無車經過架！一個人踩的話，炒車無人會發現，淨係流血都可以流死你.....

無車我先夠膽訓中間

仲單手做掌上壓.....今日太好精力喇！

深圳車友，佢都走完川藏喇！估唔到去尼泊爾既路上會撞返佢！佢好多野講，小馬笑佢因為平時無人同佢講野，一見到人就要爆

邊個攪到我笑到腰都彎埋？哈哈

休息完畢！出發！

大約11點時經過一大片既油菜花田！太靚喇！攪到我心花怒放！由於今日唔趕時間，我就跳左落去玩喇！好似北海道咁靚(但我無去過北海道！死未？就好似平時o的人話隻手/腳，痛到就黎斷咁，其實佢未試過斷！～哈哈！) 即係我睇過北海道o的相，我覺到呢到都好靚！痴能線架！(忍唔住要爆粗！我真係一個爛仔黎～哈哈) 同埋我訓係油菜花上面影相，訓壞左人地o的花！好在無人發現！之後再踩一個鐘唔夠就到左吉定喇～

靚到我企左係到呆左

進入油菜花田地區！

繼續向前走就到吉定喇！

油菜花田的世界 - 相集

小馬同770已經走左，得我同秋陽兩個好興奮咁拍照！

前進喇！　美好風景陪我行

其實你知唔知道係一個咁靚既地方踩單車係咩感覺？你幻唔幻想到？

可以係一片花田裡面穿梭！好夢幻呀！點解可以咁靚？？

見唔見到比我壓壞左？哈哈！唔好話比人知係我做架！如果唔係可能會比藏民追斬我～～

向前走左20分鐘都繼續係咁既畫面

最後住係吉定一間藏民開既旅館入面，講價後係$12.5 一個人！呢個價錢係咪好震撼！由於太早到！我地係間茶館入面飲甜茶hea下，甜茶係好似奶茶既味。仲叫左糟巴黎食。老板請，免費！但我食唔哂。不過係藏民熱情招待下，有個阿伯係咁隊埋我塊臉到.......結果都係要食哂佢T^T

但黎到之後，我同大家有小小爭執，因為770覺得太早(當時係兩點)，佢就話不如直接去拉孜！我聽到即刻反對！因為呢到去拉孜仲有95公里！而且要翻山！一定會趕夜路！會好危險！我唔肯！因為我尋日問過大家好無一日走到拉孜，如果尋日係咁既決定！今日就唔會咁hea，而且仲會勁早出門口！但而家已經太晚，兩點鐘！一定會係11，12點先到目的地！所以今日唔可以走！秋陽都覺得係咁！所以最後都係stay 係到！

吉定，攻略上唔suggest 住宿既一個點！話住宿條件好差！