挑戰極限 青春無悔 珠峰大本營

改變世界的事往往由瘋狂的想法開始



 　　




     

世界最高的地方　　珠穆朗瑪峰　　衝擊！

                   尋晚有一堆狗吠左成晚，攪到秋陽訓得唔好，而我一出門就爆胎，肯定係尋日既路太差，比o的碎石插穿左條胎，好在有小馬幫我補胎。(我就係到監察佢幫我補胎，哈)完成維修後又係應付爛路。而且今日既路比尋日更爛.......竟然可以比尋日更爛......已經灰哂....仲有！激氣既係，我原本係旅店到打包左一份炒飯走，但行到一半，佢竟然"鄧"跌左......當我發現既時候，佢已經消失左..........結果今日無飯食.........所以大家分左o的乾糧比我

爆胎   (淨係睇，唔做野！哈哈)

又係搓板路.....我想死

咩事呀？想點呀大佬！

見到喇！見到喇！

           係呢到我地遇到一個放羊既藏族小朋友，佢問我地要東西！但可能我個樣仲窮過佢，佢好快就放棄左，不過最後佢同我地傾計！雖然係雞同鴨講(佢唔係咁明漢語，總知最尾佢就表演好似流星槌咁既技倆比我地睇！即係拎舊石放係佢個武器到，跟住係咁fing，fing到咁上下就飛舊石仔出去打o的羊，令o的羊行返佢想行既路！不過佢表演時我好驚，(真係好驚打中我)我唯有不斷大叫and逃走！o靚妹，唔好失手打中我呀！我個頭盔穿"loan"架！我份保險未買到咁大，你失手打瓜左我，我呀媽下半世好大獲架！好在佢身手都算唔錯！叫見識左樣新技能！ 但最大獲既係，秋陽又問人借黎玩，佢又要試下！我地3個即刻閃啦緊係！好危險呀

午飯時間！

雖然只有47公里，但都踩左7個鐘。今日踩得好痛苦。

痛苦，痛苦，痛苦！但巨大的珠峰已在眼前

yeah！！

到左大本營，好感動！第一時間打比Maggie！

終於到喇！


我甚麼都不怕


內心的想法從沒有動搖，用巨大的意志克服遇到的難關


我來到這裡，不是要來學習放棄！


要成功要依賴努力同埋一顆好勝既心



    　　   體能反而唔係重點！就算你體能再好，都係快一兩個鐘到目的地！但當日子耐左，體能再好都會疲倦。決定能否完成旅程既係依靠意志，鬥志同埋毅力！


我有一顆百折不撓的心



                      當初我只係極度，極度，超級兒戲咁，係間房到umum腳，了住鼻屎，講左兩句粗口！"喇，屌你老味，就踩去呢到，呢到，同埋呢到啦！哈哈哈！" 跟住個晝面就係開始幻想自己踩單車上左珠峰，係珠峰前面高舉架單車！幾威猛呀！諗起就興奮！仲忍唔住係到流住口水傻笑！　你見到我呢個低B樣，你會忍唔住想打我一身！



                       但而家比我上左珠峰喇！一路上路途艱苦，有好多次連條命仔都差o的無左！無數次嚇到標屎既經歷。我都一次又一次，咬緊牙關撐住。

其實我完全無懷疑過自己會走唔完呢條路！我知道自己一定可以完成！


                        那來的自信？我唔知道！相信自己！人有無窮力量！只要你想，就有！所謂既極限係用黎挑戰同埋突破！極限係自己加比自己既！只要你想做就一定做得到！當然過程會非常艱苦！




我想好似太陽咁，照亮自己既生命！



                      我感覺到自己係到發熱，發光！為夢想而奮鬥既人係好靚架！係有一種獨特既魅力架！唔好問我點解你無踩過單車，你憑咩話你自己可以踩完全程？我都唔知點解，你信我喇！你信我就得！唔好懷疑我！



一個強大既男人係唔會得把口架！只會做比你睇！



I am who I am

I am

            嶺南有咩咁失禮？點解我既同學都唔敢講自己係嶺南到讀？你而家無考過A level 架咩？如果老板係因為你係嶺南而唔請你，咁係佢7！佢真係識咩？佢連你係咩人都唔知呀！



           嶺南差？差係邊？就係差在你無呢份自信！你自己都唔可以好proud of 自己！我話你知，我就係呢到畢業既！你唔請咩？算數！你咪唔好比個offer 我！你第時一定後悔！你唔請我，係你既損失！



要為自己而驕傲！

打電話回香港中

夜晚係呢到影星星

大本營

帳篷內：

秋陽被活埋

燒牛屎的東西

我地自己煮野食！一樂也

拉薩啤酒！好好飲

今日太累了！我地決定明天先上去睇珠峰，今日就係大本營到休息。大本營有大約四十個帳篷，係黎珠峰既人的住宿點。

ps:  返黎香港3個月後，老占突然打比我

老占：你女朋友對你騎上珠峰，有甚麼感想？
小弟：他媽的，沒甚麼感覺！那你呢？你騎完川藏線回家以後，你女朋友有把你當作英雄嗎？
老占：靠，沒有！她沒有甚麼特別的感覺。
小弟：幹！女人就是不懂！不明白男人的浪漫！
老占：就是，她們就是不懂。