白壩 下雹，大雨 ； 明天上珠峰！ 83公里

    　　　   今日晨咁早就要起身，6點天都未光就要起身執野，因為要爬26公里既上坡路，小馬有同反騎新藏o個兩個痴線仔通電話，佢地話呢個山如果逆風踩既話要成九個鐘(倒地...)我地不得不提早出發。出發時經過去阿里既路牌，如果有機會，我都要走一趟。

我地7半開始上山，1點先到山頂！呢座山都係難野黎........我出盡九牛二虎之力先爬到上黎。山頂上面凍到痴根，但終於見到珠峰喇！哇哈哈(極大聲)！珠峰呀！上山時遇到小冰雹，咪係山頂到避左一陣。見到係尼泊爾返黎既巴士，上面仲有兩部單車。呵呵，就快到我喇！

落山時遇到超大冰雹同埋大雨，打到我好痛好痛，因為太凍，o的風吹埋黎好似刀咁，係咁刮我塊面！又係勁爆痛，好似要割開我o的皮膚咁。就算搵頭巾包實塊面都無用，因為條頭巾已經濕哂。擋唔到風。死啦，咁攪法！我水嫩既肌膚咪會快速衰老？我唔制



早上6點

往阿里，新藏線。內心有一個想法開始發芽，你猜猜我將來會不會跑一趟？

二十六公里的上坡，上升1200米

山頂

山頂勁爆凍

珠峰

呢次係出門以黎第一次遇到唔停既大雨，件防水風褸開始頂唔住，入水！最尾我成身都濕哂，而且對鞋入面都係水，o的水浪黎浪去，浸住隻腳好唔舒服，我估已經浸到爛哂架喇。真係好憎呢個感覺！好辛苦！！加埋大風，我o的腳指凍到就黎甩咁滯！好凍好凍！

而且呢次係第二次凍到我隻手掂一掂都會痛！係咁極端既情況下，我只有不斷加速！咩都唔理，內心只希望快o的到目的地！但o個時仲有成40公里，而且中間有個珠峰觀景台，佢地停低話去玩，我都唔理得咁多，直接skip哂大家，一直往前跑，因為太凍喇


最後破記錄，3點幾就到目的地！



旅館

寫滿留言

國產００７咁既房

大家以為我出黎好過隱，其實我住既地方係咁，而且呢到既環境比平時住既地方好！

小馬

係旅館到撞到個婆婆，知道左我係點黎呢到之後，佢就同我講：年輕真好，想幹啥就幹啥。婆婆都想上珠峰，而家係到搵緊順風車帶佢上去。希望佢可以快o的搵到



聽日終於要上珠峰  ！