I wana be free 波卡拉

     
           波卡拉係尼泊爾第二大既旅遊城市，最出名既係trekking，即係係雪山上面行幾日至幾星期咁，風景好靚好靚！比雪山包圍住，我見有好多人係雪山上面影左好多好浪漫既相！woo！我都好想浪漫一下呀！  其他好玩既仲有paragliding同埋激流！


          由奇旺去波卡拉，車程又係咁死咁長......而且一直都落住好大既雨，當然一落車就會比人圍住，大家都搶o的遊客去自己間guest house！


我是一隻小小小小小鳥！

                雖然落車有十萬大軍圍住我，但我依然臨危不亂！堅持要4蚊美金一晚既先住～hah(幾節儉！)。於是就拎住本lonely planet ，係落住大雨既情況下，係條街到掃guest house！係街尾搵到個環境清幽既地方。

                 第一日到波卡拉，因為豪雨既關係，夜晚成條街水浸。o的水浸到小腿咁高，而且唔知係咪因為係奇旺晚黑唔著衫訓覺，而家發緊燒。(重申：我好虧，非常虧同超級虧。人地書生黎架喳～即係係張枱到讀讀下書會嘔到成枱血o個隻～) 由於病左，好鬼驚客死異鄉。所以當晚打左個電話返香港同maggie扭計。haha~

第一日落車，比個guest house 老板車我地去佢間guest house 到睇！7個人迫係一架私家車到！你睇我迫到變左形，好傷心，好似住係板間房咁。而且你完全分唔出係我個手後面隻手係我定個尼泊爾人既......死喇！我o的膚色咁似佢地既！

最後我地係呢間NOBLE INN 到落腳，都係收400尼幣一晚，除開即係每人大約20蚊港紙！環境亦都好好！好滿意～

秋陽

係波卡拉逗留期間，經常叫外賣的地方！因為真係好鬼平

我發燒，大家用個爐煮熱水比我飲！

波卡拉街頭景象！當地人話好好食既Moondance餐廳就係右邊

周街都係賣圍巾！

呢張相係因為後面有個白衫女仔真係好靚，我叫秋陽幫我影佢相！但竟然出黎既效果係咁！！！好難過呀！而且最seven 既係比佢發現左我地偷影佢........

就係長頭髮o個個女仔！好靚既.....但呢張相影到佢好似女鬼咁...

晚上的波卡拉

由於尼泊爾最出名既就係scarf，我一定要買返幾條至得

係呢間鋪到見到個香港女仔，但我而家個look太似流浪漢！哈哈

最尾我買左好多條，仲要唔買pashmina，買高檔o的既cashmere！好滑架！(十級推薦！)

        其實黎左波卡拉幾日，幾日都落住大雨，好郁悶。日日都係行街食飯。終於等到有一日無落雨，我地就去左湖邊泛舟！

個湖好靚架！如果藍天聽講可以睇到雪山群！

拍照

泛舟幾有feel！

島上面可能有怪獸！

水浸

                  其實我地黎到之後既第一件事就係報名玩paragliding！雖然要成80蚊美金玩30分鐘！但我搏左條老命都要試下！我不斷催眠自己好平好平，呢個價錢係香港一定玩唔到，好抵架！


                  順帶一提，其實我有個浪子基金。平時我會將部分既錢儲落去！用黎做一o的有型既事！總知就符合做浪子既條件既事就可以用呢筆錢！但通常我都會拎去做o的古靈精怪同埋奇形怪狀既事，比如今次踩單車去西藏咁！其實去完呢次旅行，唔止浪子基金，連我既銀行戶口既結餘都會變成零！係咪好得意呀？一蚊都無咁返香港！係真係一蚊都無woo！真係非常有趣

教練

好鬼緊張呀！

法國佬

我好驚慌

人家起飛，我偷偷影

                  因為落足幾日大雨，出發既日子不斷delay。其實我好驚玩唔成，但而家企係個山頭上面！我想退出囉，好驚呀！頂，查實我畏高架！唔係講笑，平時係海洋公園坐摩天輪我都好驚......好恐怖！一路等，驚到腳都震Q埋！

                   因為未到我，我一路係到睇住o的人跌落山.......真係好驚慌呀。但係等等下，等左成十幾廿分鐘都未到我，我由驚變左悶喇！我問個法國佬教練，what are we waiting for？　佢就話：wind。　o我～之後突然佢大聲叫一聲！Run！我就要跟住佢跑，跑跑下就掂唔到地喇，飛左出去了！


           開頭都好餚！但完來係個天到飛係好舒服，個感覺好自由，原來平時o的雀仔係咁既感覺。

770第一個出發

跑跑下就會無左條路架喇！

剪Q哂你o的線呀喇！哈哈

波卡拉全相

我黎架！

I wana be free, like a blue bird

笑一個

教練叫我影相

其實我真係好驚

低抄

              係好自由舒服左一輪之後，教練突然話玩sparring，跟住就係到亂飛，有時衝黎衝去！又急速下降咁，基本上嚇到我癲左！

死喇，今次無命喇

安全落地

                  但係玩完之後有o的唔開心既野發生左。因為我地其實係一個agent 到報Blue sky既paragliding， US78連埋影相。但玩完之後竟然要再比1000尼幣。咁同我地最初既agreement唔同左，咁個agent即係呃我姐！咁我就去個agent叫佢回水喇，但佢又唔肯比返錢我地。話請我飲野算數！仲話你可以去報警！呀，頂你個肺死pk！

                 我憤怒了，咪真係走去報警囉。跟住警察再去blue sky搵佢地老細。用尼泊爾話同佢講左好耐，個老板就走埋黎，我同佢講，the problem is not about money, but  principal 。最尾人老板都明白我點解咁憤怒，好順攤咁比返錢我地。


話請我地飲coffee！一百蚊既coffee？我斬你呀喇！

報警拉9你個老味！豈有此理

交涉中

         
        　　　其實呢到仲有個好正既活動架，就係制去個雪山入面，行兩日一夜同三日，之後係個山到飛返落黎個town。我睇到o的相真係好靚好靚！下次我黎的時候一定要參加！雖然好x貴！
           


波卡拉其實分開左兩邊，我地住既係lake side，有日同秋陽百無聊賴，就租左架單車，踩去dame side o個頭！人地話o個邊靜o的woo！岩避世

出發

中學黎架！(頂你個肺，使唔使咁靚？)

嘆奶茶

momo

有個女仔問路！我唔識架！我都係遊客黎囉！

有條橋～～～

好雞既瀑布！千祈唔好去

買野！呢對手套竟然賣15蚊！(震驚樣！)

食高級野！

       　我想做個冒險家，周圍去探險；我想做個攝影師(National geographic o個o的)去捕捉大自然既美；我想做一條小野草，隨風而行。風吹去邊，我就去邊。