令人崩潰的珠峰路 ； 巨大的意志可擊敗一切

今日就係挑戰珠峰既日子，好興奮！不過路途艱苦，所以行程會分開兩日！


               朝早起身，又落雨，好討厭！如果好似尋日咁又變落湯雞就死喇.....好在佢落左一陣就停，出左城六公里會見到檢查站！因為珠峰接近邊境，要有邊防証先去到，如果有尼泊爾簽證就不在此限。

出發

檢查站

國道318

終於。。。。


登
登登登


見到喇！　

                      過左檢查站，好快就會見到珠峰既路牌，好激動呀！我就係等呢一日喇！瘋狂咁影左好多相。係呢一刻，無人知道呢個竟然係惡夢既開始！因為左轉之後已經唔係國道318，係珠峰路，即係土路加碎石路，成條路好多積水，又係搓板路。行呢條路係極度，極度痛苦。速度即刻變到好慢，係o的泥到要用多一倍力先踩到，要好用力踩，好累。15公里呢o的咁既路。

我踩緊單車上黎喇！

太high，想擺o的有型pose，但失敗

不過無阻我high到爆既情緒！好痴線

就係呢個轉彎位上珠峰架喇！

秋陽

15公里爛路，辛苦到嘔電

由於環保既原因(用香港話黎講應該係保育)，中國政府係唔會修路，因為要保留原始環境，咁先原汁原味woo，我就唔得你死，我踩到就黎崩潰

搓板路，你係上面踩，鄧到你副骨就黎散

       　　唔記得同大家講，上珠峰係要買票既，盛惠180蚊。 過左珠峰驗票站之後，係惡夢之中既惡夢，18公里超級壯觀既盤山路，路況極差！真係好辛苦，好辛苦！踩極都未到頂........上山時又落雨，氣溫急降，變到極凍！凍到我面都青埋(認真)！大約6個小時先到山頂。

以前CC我同我講：　珠峰上看的星星有拳頭咁大！不過你真的要騎去珠峰嗎？那條路很爛很爛，我在半路上下車去廁所，都被風吹到站不穩，你還是坐車去吧。那條路不可能騎上去的。


而家我就踩左上黎喇！

如果你要踩上珠峰，我強烈建議你睇下呢o的相先！呢條路絕對可以令你唔想做人

無窮的 S 路  (流淚..)

路況！呢段叫做好架喇陰公！

踩緊呢條痴線爛路既時候，又落雨，勁凍，真係好辛苦！我就黎崩潰！


但呢個時候，我內心響起左一段旋律



原諒我這一生不羈放縱愛自由

也會怕有一天會跌倒

背棄了理想　誰人都可以


從沒有放棄過心中的理想


仍然自由自我


永遠高唱我歌，走遍千里


我就咬緊牙關！走過呢條路！要克服身體上既痛苦！





曾經睇過黃碧雲寫既一篇文章，令到我久久都唔能夠釋懷


"有時想到自己，毫無理想，無所追求，夜半醒來會大哭。因為理想失落而大哭。"



我怕自己第時大左都會變成一個無理想，咩都無所謂既人




放工時間，係金鐘地鐵站迫到好似沙甸魚咁，呢種感覺特別強。每日營營役役，唔知為乜？為錢？呢o的叫 life？





                  香港人好窮，窮到只剩低錢。而家係香港，細路仔連野都未識講就要學呢學撈，為第時入名校鋪路，跟住搵份好工！如果係女仔就最好嫁個有錢人！我成日都諗咁同做雞有咩分別？都係用個身體換錢姐～咁生佢出黎係做乜架？好無聊呀！相反有幾多人對社會有責任同埋承擔？點解咁多人政治冷感？因為燒唔到自己，每個人都剩係諗到自己眼前既利益！





                 香港社會太功利喇！香港人好無人情味。而且最鐘意用你有幾多錢，咩地位黎衡量一個人既價值。咩中西文化交匯？我呸！入大學係為搵錢，唔係因為對知識既渴求。香港都係中國人社會，讀書係求功名。所以好多人讀書一o的都唔開心。連讀書為乜都唔知道呀！

每個人都過住倒模既人生。咁開心咩？咁叫有生活咩？





                  我成日同人講，我最怕最怕既一件事係當我有一日老左，坐係到諗返我呢一生做過咩既時候，我答唔到自己！唔知自己做過o的乜，呢一生大部分時間都剩係搵錢搵錢！除左咁就咩都無。咁同一隻螞蟻一世都係到搬糧食有咩分別？我使乜做人！做隻畜生，做隻昆蟲好過啦！如果日子係咁過，咁我黎到呢個世界既意義係乜？我死左佢好過啦





                   既然我黎到呢個世界，就應該好好咁感受下呢個世界！生命只有一次，要用盡力呼吸！要過自己想過既生活！做人要有活著既感覺！知道生存緊係咩感覺呀！



嘔血中...

上面落雪呀pk！

真係辛苦到痴線

凍到嘴唇都白哂！係路邊食凍哂既炒飯。

落暴雨，又高海拔！路邊凍死......？

痛苦地登頂

辛苦到不能言語

上到山頂需要休息，因為跟住係30公里既落山路，一o的都唔容易，落山既路仲爛，仲搓板！鄧到我條腰骨就黎粉碎！而且令到我銀包大出血！由於路況太差，鄧到我部腦個mon裂左。又二千幾銀維修喇！好傷心呀！我仲要係夜晚去到旅館先發現呢件事。





以下照片過度驚嚇！請做好心理準備














珠峰的路........過兩日要係下面上返黎..........

踩上黎你會自盡的！信我！

其實有兩餅呢o的路！太震撼喇！

但踩單車黎到呢到！我覺得自己真係好有型！！！你望下下面，你就知道咩事！

呢條o靚仔好癲呀！

van仔上的人當我係個移動景點！

你細心睇下，其實我企係到踩架！因為條路真係鄧到條腰骨好痛，我懷疑會震到我粉碎

落極都唔完架！

close up！看似平路其實係搓板路

危險！有架大貨車岩岩衝左出黎！

搓板路，踩到灰哂！鄧到你失魂

就黎死，終於到

旅館

炭頭們食飯。係呢到聽到個消息，就係珠峰上面既住宿好爛，老板同我地講有人係上面食野，碗飯到食到牛屎......唔係嘛.....無咁誇呀.......

秋陽，小馬，770，流浪漢

係我地間房既牆上面，有個咁既留言


離天空最近，離天堂最遠


呢句野係一個有腦癌既病人寫低既。我睇到有好大感觸


我地係咪真係要到自己無哂時間，生命倒數緊既時候先至會想做自己想做既事？



現在

我為我的青春寫下最瘋狂的一頁




幾年前曾經寫過o的一篇咁既野：



青春

青春是放任   不顧後果

這就是我們的青春

青春
就是當你工作不如意時，工作受到委屈時

你可以勇敢向老闆啐一口：媽的！老子不幹了！

然後回家拿起相機跟三腳架
揹起背囊出走他鄉，流浪異國

你會說這太輕浮嗎？　

年少輕狂，不知天高地厚

但這就是青春

這是青春的專利




青春是功夫嗎？

不停刻苦訓練，為的是爭口氣


咬緊牙關

紮紮實實打下去





青春是音樂嗎?

在寂寞的晚上

將感情都貫注在音符上

彈出青春的哀愁

唱出一抹青春的煩憂




青春是戀愛嗎？

為愛瘋狂

為愛執迷

要愛就愛

要恨就恨



也許
你會遇到一個　

你一生也不能忘懷的一個人



究竟是青春還是夢？

我們必須有夢

長大後

我們總有一些理由不能忠於自己

青春就是我們願意忠於自己的時期

年輕是激情的歲月

試問誰沒年輕過？

歲月悄然流走

你會慶幸自己也曾年輕過