浪漫的青春冒險: 卡若拉冰川；　在雪山旁騎車　　　　104公里

由浪卡子出發17公里平路！出發五分鐘就唔知點解有o的累！頂你個肺！後尾我先發覺條路係暗斜咁賤格！我一邊踩，一邊諗，點解一公里可以咁長？有古怪！係呢一刻我懷疑個里程碑係壞既! 足足走左30公里先上到上頂。嘻嘻！趁無人睇到既時候，我推左一公里既車！哈哈！好似做壞事咁。好驚比人睇到咁無型～～

上到山頂，同卡若拉冰川好近！所以決定爬上去，但爬左50米發現唔掂了！我斷氣喇！唉，無辦法！高原係咁架喇～所以我就決定碌返落黎！係冰川旁邊影左好多可以擺係枱頭既相！仲咁岩遇到香港既旅行團！呀！學秋陽講，我遇到老鄉呀！出黎咁耐，第一次遇到香港人，人地問我做咩黎呢到？又問我撈咩？點解有咁長既假！(嗚...好傷心，人地明明得個十幾歲～haha) 我話岩岩大學畢業，出黎grad trip ( 算係掛，其實我唔當佢係grad trip) 不過話時話，人地通常畢業就去歐洲backpack！但我唔同呀！嘩！咩事呀！　我踩單車去左西藏，踩去珠穆朗瑪峰呀！呢個勁抽呀！完全同其他人唔同level，個感覺大約差100倍！哈哈！諗起就開心！　但講左一陣就要落山喇，因為今日仲有另一座山要爬！(倒地痛哭.....嗚)

雪山與我

一出門暗斜的賤格路

係去珠峰既路上，hall c 既房號突然出然！好開心！忠哥，周公，阿蔡！你地既同房而家踩緊單車上珠穆朗瑪峰！你地要為我而驕傲呀！

雪呀！

山呀！

白雪雪既雪呀！

呢pat 雪好似好滑咁！

你有無試過係雪山旁邊踩單車呀？好正架！好靚！

頂唔住喇！又要訓馬路

諗住爬上冰川，最尾失敗！斷氣而回

770無我地咁好氣，係下面睇我地幾時先返落黎～

又上頂喇～～哈哈

我同秋陽諗住影幾張相，要威猛既！返到去之後哂係office 枱頭！話比人地知我地有幾堅！(成功人士)

　　　　　　爬上第二座山就會去到滿拉水庫，o個到o的水既顏色好奇怪，碧綠色既！非常神奇既事又發生，　係山頂又撞到兩個香港人！仲係住富泰既！再次感動！太利害了！竟然一日撞到兩次香港同胞。可能我太似乞衣，比人問我幾耐無冼頭！可能我個頭太污糟掛，太油！不過我都無計架，已經成三日無得沖涼喇！究竟我會唔會可以突破一個星期都無得沖涼呢？好緊張呀！！

係呢到遇到既香港人都係去珠峰既！我都去緊珠峰，但我係踩單車上去！真有型！(要成日強調，因為當初我真係覺得好有型先出發～哈哈)

　　落山後，要趕到江孜！最後既16公里好容易! 只係用左9個字就殺到城入面！江孜都幾大架，搵到旅館之後就去澡堂！始終三日無沖涼了！三日係極限(暫時...)夜晚城入面仲放煙花tim!