加德滿都

     　　終於到左加德滿都喇！踩左三千幾公里終於到喇～！終於可以休息一下。由於電制唔同，成朝就走去搵轉插買。(尼泊爾用兩圓腳)下午去左一間bar到上網 (Marco polo 竟然無wifi！他媽的！)，通知大家我已經到左尼泊爾，已經到左終點喇。T.T　同門釘聯絡，話佢知我已經完成左喇！佢擔心我，話我係拉薩分別之後就消失左！唔知道我係路上有無遇到危險。T.T　但佢都讚揚我，話我呢個小子都完成左！比他還利害，非常牛B！哈哈～

             今日無同大家係埋一齊，我想自己一個人沉澱一下。其實好多人叫我出書，未出發之前已經有朋友叫我好好寫低，返黎寫書～哈哈！其實如果要出書，我寫o的野就唔會係咁架喇～！肯定係寫到文鄒鄒咁，又會分開幾個主題咁寫，總知就會寫到好鬼有文藝氣息咁。所以一篇肯定會寫好耐！因為又要諗點先寫好o的！寫好又改，改好又再寫好，最後可能要一年半載先寫好～～而家咁寫都幾得意呀！我可以係咁打粗口～係咁屌。出書我就唔會啦～！咁因為我當時真係有屌出黎呀嘛。出書既話肯定會和諧左佢，哈哈！而家幾隨性呀。而家咩都寫哂出黎，如果出書，本書對大家其實都無乜value 啦。唯有希望個blog 多o的人睇～叫有返o的安慰！～

              但如果之後有時間，我可能會真係出既！可能之後會想留個記錄或者寫下野咁 。不過而家慾望唔係咁大。每次見到有人踩條唔知咩線，或踩去西藏就話出本書，我心裡就暗爽～係，無錯！踩去西藏真係好辛苦，辛苦到癲～辛苦到痴線，不過自己仲勁！踩得再遠o的！仲難o的！哈哈哈 (狂笑)　(妖，呢種心態真係唔要得～不過你地由我啦，haha！如果你踩過一次，你就知暗啞底囂張下都唔過份 ～)　


              題外話：踩單車去西藏既真係個個都係勇士黎！要同呢o的人致敬，但郁下就搭車既人唔計！o個o的係要型，又型唔起既廢柴！係阿斯瑪村搭去理塘o個一段令我傷心到要死！如果唔係累到身體撐唔住........



            加德滿都其實無咩睇，有三個杜巴廣場(寺廟遺跡)，同埋係thamel 既遊客區，裡面好多club，可以去癲下，仲有脫衣舞睇 (好想去睇，但唔夠膽！哈)

Thamel

幾廿萬間網吧，打長途好平

尼泊爾的傳統食物

好甜

唔知乜水

770

謎之巴士站？？

尼泊爾的女士

周圍都有佛眼

尋晚我就係咁既情況下，踩住單車係入面穿插。尋晚仲要係黑媽媽，好危險！

Thamel既另一邊，我見到一個著住長裙既婆婆突然分開隻腳企係到，跟住有水係佢下面出黎！Oh！my god！咁去廁所未兔太嘔心喇掛？

          係呢度仲見識到尼泊爾賣報紙既小販點賣報紙！呢次真係增長見聞！成件事就係會有人踩住架單車，一路踩，一路大聲咁讀o的報紙內容出黎。吸引o的人買。真仔係好有趣！我開頭以為有邊個痴線佬係到係咁大叫。你知啦，痴線既周街都係！無分係邊個國家架嘛！

呢個標誌係咪叫人推架輪椅出馬路？

郵局寄post card

大賣場

杜巴廣場

好似吳哥窟個女皇廟呀

呵呵，踩單車黎到尼泊爾古遺跡的男人！

yeah！

皇宮

其實呢件黑色衫，我到左成都第二日就買左，但一直都無著過！！點解？？因為上面個黃色標誌係寫住中國武警四隻大字！過兒嚇我話，藏民見到會暴打我！因為佢地好憎中國警察！結果我真係堅餚底，全程唔著！唔想為民族大義犧牲自己～～哈

呢間皇宮係唔入得架！

o的白鴿多到好似烏蠅咁 ！好嘔心

面具店

個感覺好邪惡

            當然喇，我一定會shopping一下！第一個重點係要買個大背囊！無背囊點做backpacker？我無理由拎住個駝包買圍去掛？經過恩哥既人肉搜尋之下，買左個勁爆平！70 L 既背囊！都係160蚊港紙！跟住要買兩件T shirt，　行完又行，只係為左買個靚既圖案！

當地的街市

本來我想買頂呢o的帽，但後尾我都忍住，因為我知道買左返黎，一定唔會戴！唔想又買埋o的垃圾返屋企。

其實佢地o的屋係幾靚架

尼泊爾青年

另一個杜巴廣場

好似o的神聖水池咁，好似打RPG　game咁去呢到回復HP

最出名的廟，好多post card 都有佢份

佛眼

幫座廟補粉？

            我地係加德滿都到停留左兩日，之後會出發去奇旺國家森林公園，去騎大笨象搵老虎，坐獨木舟睇鱷魚！好期待！呢個行程係我香港出發前既重點觀光point！雖然而家唔係一個good season 去奇旺，因為而家係尼泊爾既雨季，成日落雨。森林入面會有好多昆蟲，連旅行社既人都話a lot of insects (好嘔心，同埋好驚...)而且呢個season 見到老虎既機率好低。

             但我地都決定去，因為今次唔去既話，都唔知下次有無機會再黎！本來小馬話想自己搭車去，好似平時自由行咁。但我search 過，其他人都話到時你係奇旺森林揹住幾廿斤行李，仲要同人講價好麻煩！平時我無所謂呀！但我諗到如果係森林入面攪o的咁既野就頭痛！最尾小馬係群眾壓力之下被迫同意了～～我地就交左us 75 團費

     
             好緊張呀！好想去睇老虎！唔知會唔會擔左我走呢？好似好刺激！！！！期待！期待！