崗嘎 試煉之門 最苦的路 74公里

不得不記，今日係自成都出發以來，最苦既一日！


             要繼續旅程有兩條路揀，一係就踩 or 搭車返白壩，重新係個分叉路口出發。第二個選擇就係直接殺到去崗嘎。　嗯...點講好呢？其實條路好似一個反轉左個三角型咁既，珠峰就係左上角，白壩就係個底到，而我地要去既係右上角既崗嘎！好似好易揀姐，直接去崗嘎咪得囉！　事實就係，由珠峰去崗嘎係無路既，無正式既公路去到。

根據攻略形容：

            此路其實就是抄近路的越野車壓出來兩條車輪印。路況較珠峰路來說，還要糟糕些(唔係呀？唔好玩啦！仲有得再爛？)很多地方坡度很陡，基本靠推了，路面出現很大的鵝卵石路面，顛得人頭痛。其間會出現一個60 多度的超級陡下坡.......


          係最後，我地以不走回頭路為大前題，揀左走呢條不歸路。(唉....)


竟然要過河？呢個世界真係咩事都會發生！我踩到就崩潰喇！吼！

                 朝早六點半係南迦到打包左蛋炒飯做午餐，之後就開始痛苦既一天，清晨既氣溫非常低，自出發以來，第三次凍到手痛！不過呢次係最嚴重既一次！凍到手指無哂感覺，僵硬，好痛！我有好多次都要停低，除左手套去吹下隻手！因為真係痛得好緊要！真係痛到好誇張....手指就黎甩喇！由珠峰一直下降16公里，直到珠峰路碑79，就進入去崗嘎既路！正確黎講，條路應該係越野車痕。o的石頭大到好似個頭咁，on9架！係碎沙石，泥路！又係好哂力！好痛苦....


出發前。左手面就係南迦喇

回頭看到的雪山

珠峰！再見！我走了

                入左崗嘎既路無耐，770既貨架鄧到斷左！要緊急維修！我地搵幾條鐵絲幫佢綁住先！希望可以頂埋今日！然後要上山，仆街，8公里踩左3個鐘！每兩公里就要休息！因為今日既路太變態.......累到崩潰！中間遇到幾個坐馬車既藏民！我地輪流咁追住大家！其實我地比馬快，但我地成日要停落黎休息，跟住佢地又追返上黎！不過佢地隻馬行呢條路都好似唔多掂！就係咁！上演左幾個鐘既人車追逐戰！

觀察自己既手中，真係好痛！

進入唔係路既路喇！

o的石仔都幾大粒呀下！

過橋後就正式展開呢一日既變態行程！

你班人yeah得咁開心呀喇？一陣間就整死哂你地！

馬大哥行呢條路都唔係咁掂！

碎石路

你睇下，馬仔都就死喇！馬車上面既人要落黎行！減輕佢既負擔

條斜路根本就踩唔到上去！大叫一聲！　推車都要爆上去！　連吃奶既力都出埋！　吼！

唉.....你睇下o的泥巴！幾厚？好痴線呀！(你睇我當時個樣係幾咁嫌棄呢條路！)

條路咩事呀？想點先？

休息時間

           休息時，個藏族女士請我地食奶酪(因為我棚牙唔夠力咬，佢又係咁隊埋黎！盛情難卻.......我唯有偷偷地趁人睇唔到時扔左，仲即刻搵o的泥活埋佢，當時我好驚比佢見到....) 跟住個大叔仲話請我地飲青粿酒！好開心呀！益力多酒！阿叔仲話同我地交換，佢踩車，我地坐馬車。哈哈，幾經辛苦終於上到山頂。但估唔到呢個先係惡夢既開始



努力咬奶酪中(不過最後失敗左....)

好落後既村莊，無人識講漢語！而且成條村都充斥住一陣好濃烈既牛屎味！好難頂！

頂唔住喇！就死

又要休息！你睇我個勢係幾咁落寞！頂你，今日真係好辛苦！

上山的路

今日真係認唔到叻，我真係有o的崩潰！有好多次都有就死既感覺！推車次數非常多

你見到秋陽踩緊既路嗎？無錯！係無路架！而且個坡係咁斜！

騎馬經過的朋友

當前面既路面發生咁既情況，你會點？你要托架車過去？條路可唔可以唔好咁喪？

不如殺左我吧啦

補充能量

跟住又係碎石路

爛路唔好上斜ok？

770

恩恩哥

獨自上路！我都唔記得我究竟係領先定包緊尾

          　上到山頂好似去到一個沙漠咁既蠻荒之地，但最奇怪既係呢個沙漠竟然睇到雪山！你望去後面就係雪山喇。跟住又係爛路！仲鄧到我唔見左件雨褸！呀！好傷心呀！！！！



沙漠地區看到既雪山！

好奇怪的景象！一o的都唔搭！

呢個後生仔既背影都幾有型！

在這個奇怪的地方留倩影

呢到真係好荒涼！我地踩左成日一架車都無經過！！係到炒車死左都無人知！到時就算比你打999，因為路況太差，架白車有排先黎到！結論是：死硬！朋友，唔好行呢條路！

繼續荒涼

突然見到兩個放羊既豆釘！就要上前問路！因為呢到有條分叉路，我地唔知邊條先岩！但最尾交涉失敗，因為佢地唔識講漢語！結果我地試左邊既路！

問路中　　(見唔見到條分叉路呀？)

豆釘的跟班

放羊既兩個豆釘

唔知係邊到殺出黎既o靚仔

三人

                   跟住就係攻略講既大斜坡喇！好恐怖！　死仆街！一個60幾度既下坡，令到我仆街！我成架車失控打橫向前片！好在我身手敏捷！單車pk，我跳起！無事！安全落地！分數：10分(熱烈鼓掌！)


大斜坡

因為我pk了！太危險，大家都落車推！

秋陽的靚仔個人照

後面竟然有另一個騎友殺緊上黎！佢由上海一直踩黎，諗住踩完成條國道318

              跟住就係我最憤怒既一段。因為落左斜坡，會見到前面有條分叉路，一邊係橋，一邊係石春路，我話走橋！但小馬話行石春路，咁大家都話聽小馬講，咁我無計！一定要跟住！踩左一陣，o的石春變到越黎越大粒，後尾連路都無埋！由踩變推再變拖！屌呀！行行下路都無埋，變左條河！


              佢地叫我托架車過河，我睬佢都on 9 ，因為我生氣了！最嬲既係呢個時候，係斜坡落黎既朋友係我地對面，問我地做咩唔行橋？明明有好路唔走，係要走條咁既路！係呢一刻，我唔想同佢地講野，我就唔理佢地連推帶拖咁繼續行。因為架車係比我拖行緊，單車鏈個齒輪割到我隻腳流哂血，攪到我仲火！而且後尾石頭越黎越多，出發咁耐，我第一次發脾氣！嬲既唔係行爛路，係因為小馬唔聽我講，自己衝落去做乜柒姐？我當時將架車扔係地！屌你老母，講左一大串粗口宣洩我既怒火。


              雖然我無理大家，一路向前走，但無輪我點兜，前面始終有條河！點都要托過去。當時秋陽已經將佢架車托去對面岸，佢就過黎幫我手托過去。唉，算啦！自己一個發完脾氣就算。不過之後又係爛路，屌佢老味。去崗嘎呢條路點解可以咁過份？




石春路既頭段！見唔見到旁邊有條路？如果行橋，我地就會踩緊上面既路

已經開始踩唔到，要落車推

根本就無路行！我點會唔發脾氣？聽我講咪無事！

佢地要過河

生氣地自己繼續行，唔想理大家！

秋陽過黎幫我

今日咩事？係咪痴線架？點解我會渡河架呢？

條河既水流好大，而且o的水又凍！石頭又滑！又好多次都差o的跌低！好狼狽！！

唉

搓板路！唔好再折磨我啦！！！

小馬架車收左皮

唉......癲架！點踩呀？？

 　　　　
我成日話條路一邊係山，一邊係懸崖！而且係單程路！個情況就係咁喇～～其實有車黎，係無地方避架！危險到痴線！而且一炒車就死架喇，跌落山，無人搵到你～yeah！

向後望

行走在險道上

今次會死嗎？

呢粒豆鼓就係我！嗯....都幾有型！

你睇下條路幾危險！係咪好得意呀？hi，粒豆鼓又係我呀。有車黎既話我係無位避架！

如果咁睇，會唔會恐怖o的？　炒車　＝　瓜柴

               係呢段路我差o的炒左車，因為個坡好斜，要剎車落。但地下都係碎石泥。一剎車，架車個胎因為抓唔實個地，係到擺黎擺去！有一下真係有要炒既feel！嚇到我標屎！(認真！)冚你個家鏟！好在我命大！無事

跟住爛路再出場！不過呢次比較誇！

小馬前進中

越過超爛路，決定留影

歷史正文！空白的一百年係咪記載左係到？   (如果你無睇one piece 既係唔會知我講乜架！無錯！我好鐘意睇漫畫！哈哈)

解讀歷史中！

呢條村好恐怖！咁大條村，咁多間屋！但一個人影都無，好似鬼村........

                係出村既時候我就爆胎了，要補！之後踩唔夠半個鐘，再爆！屌呀！係一個鳥不生蛋既地方發生咁多事！我唔再補了！打多幾次氣算！

終於回歸有人類存在痕跡既地區

但呢隻衰牛竟然用一個咁老土既陷阱黎暗算大家！

係以為快到既時候，點知走左一個鐘都未到，我絕望了。最後總共走左十二個鐘先到目的地。

終於到喇...........嗚......(喊！)

住既地方竟然有英文！！

呢到係用個水井打水！拋個野落去，跟住扯上黎o個o的呢～　好盞鬼！

今日770貨架斷左兩次，小馬爆左2次，我爆左3次胎！　呢條路太癲喇！




              而且去到旅館，諗住開電腦既時候！呀！屌你，差電個火牛無反應...唔係咁黑仔，連叉電都壞能埋呀？屌那星，唔通係今日炒車時整壞左？唉，好傷心呀，我今日真係就黎死！咩都唔想諗，我想直接訓，跟住就訓左喇！(講既野幾廢～哈哈)








ps: 我咪話我電腦個mon 爆左既？而家個火牛又壞左嘛！當我去到尼泊爾時，神奇地發現電腦無事了！原來電腦係唔帶得上咁高海拔架！我諗係因為氣壓既問題攪到個mon o的野爆出黎掛～　連電腦都頂唔緊呀！但我無事！我強過電腦呀！！哈哈！我未死，電腦就死先過我喇～而今日個火牛唔著係因為呢到既電壓唔夠！唔係跌壞左！不過因為呢件事，我係之後幾日既行程都好傷心～haha