門布鄉 簡陋的小村；古代打水機

     　　
                     今日行程好短，只有60幾公里，可以遲少少先起身！係預備出門既時候，我個胎又爆左！維修大師小馬幫我再補過條胎。而且經過一輪檢查後，發現係鋼絲出左問題！所以不斷係入面拮爆條胎！結果就係要拆左條鋼絲，我諗應該仲可以捱到去加德滿都既。


崗嘎既珠峰觀景台

                       帶左兩隻雞蛋同埋幾個肉包上路！走50幾公里應該夠食喇掛！而且鎮附近有個珠峰觀景台。大家都興高采烈咁話要上去睇，我就無咁既力水特登爬一段坡上去，所以我係下面等佢地。突然心血來潮，打左個電話比過兒。睇下佢返左上海之後有無比老豆斬！雖然係無比人斬，但佢返到去寫左封悔過書呀陰公。

崗嘎

小型油菜花田

牛？羊？

              770同小馬，秋陽係前面踩。突然比一大群藏族小孩衝出黎攔途截劫！小朋友包圍住佢地搶野，又拉住佢地個駝包。我係後面睇到佢地好辛苦先脫到困。但而家得我一個..........仆街喇！咁點辨呢？我既解決辦法就係用正常速度經過佢地。當佢地衝過黎時，我突然好大聲咁喝左一聲。佢地即刻窒左窒！我就趁呢個空檔快速爆發。突破包圍！因為佢地都好細個，得o個五，六歲！所以好易嚇～哈哈！不過十幾個呢o的細路包圍你，你都幾難衝出重圍架！



奇怪的東西

咩黎架？

奇怪的東西２

呢塊野好似一隻公仔，我唔記得左隻野叫咩名！綠色o個隻野呢....

攻略明明話係平路，點解會係上斜？呢五十幾公里一o的都唔輕鬆！但開心既係明明要踩六十幾公里。唔知點解係五十幾公里時，門布鄉突然就出現！令我喜出望外！不過門布鄉係個好簡陋既地方，中午食既飯令我想嘔，佢個咖喱飯唔係平時食o個o的。個感覺好嘔心！


休息食蘋果

係洪水橋單車鋪購入既劣質水樽！o的水成日有陣怪味

感唔感覺到有幾熱？地下既蒸汽睇唔睇到？

突然失驚無神到左

村入面既其中一間旅館 (有3間，一間太嘔心，一間客滿)

咖喱飯，好難食.........by the way，佢係用尼泊爾米煮，粒米係長o的同尖o的架！

老板加孫女

伙記

呢間野既乾淨程度會令到你想落淚.........佢張床係鋪呢o的毛毯既，但污糟過呢張一百倍

 　
            今日打水洗衫。係o個o的古老既搖水機，我唔識用，結果噴到我成面都係水！之後得知小馬聽日淨係想踩去聶拉木，我有o的唔高興，因為我而家好想快o的到加都，都就快到喇！點解仲要加長個行程？

旅館

村姑打水中　　搖呀，搖呀！

好古代！係城市長大既孩子完全唔會見過呢個野

哂衫　(兩個鐘之後落雨！頂佢)

呢到個廁所係完全露天架！旁邊既人係完全可以睇到你做緊乜.....好可怕

食飯時打返香港搵青青，睇下佢死得未？順便8掛下其他同學們搵工搵成點。好多都係仲hea緊，玩緊，量緊地！真唔生性！( 拉我出去打.....)