浪漫的青春冒險: 布達拉宮

拉薩

佢同我想像中既印象完全唔同，唔係蓋滿土房子既地方，拉薩係一個城市

由於同我腦入面既拉薩有太大落差既關係，所以即使我身在拉薩，我都覺得呢到唔係拉薩，或者唔係我心入面嚮往既拉薩。

黎到拉薩之後，無預期中既興奮。唔知係咪因為呢到並唔係我既終點，所以我無咩特別既感覺。但黎到既第一晚既慶祝飯係非常大魚大肉既。我係路上答應過門釘，黎到拉薩我會同佢飲酒。(因為佢一路上叫我飲酒，我都拒絕，大佬呀！佢地飲o個o的酒係烈酒，我飲一定釘)，但今次無得講喇！不過門釘放過我，比我飲啤酒，唔使我飲佢地o個o的～

其中有一日我地去左參觀布達拉宮，呢幾日好難買到票，所以我地走左去報鴨仔團。我對宗教野唔係咁感興趣。但黎到拉薩無理由唔入布達拉宮參觀一下。可能我無咩慧根，我覺得有小小悶。