要出發到尼泊爾 重新上路 ；傳說中既 Double rainbow 70公里

   


                   今日係旅程下半部既開始，希望同新隊員可以夾得黎！新隊員有四個人：小馬，秋陽，770同埋我！ 今日既行程只有70公里， 可以話係好輕鬆！不過可能太耐無踩單車， 同埋偷左太多野! 攪到架車重左好多!!! 臨走時我搶左佢地好多野， 比如金龍個拖板座啦， 過兒個軟座啦，老占既護膝啦，門釘個車鎖同埋氣筒等等，回收既東西太多，不能盡錄

  

 秋陽，770，恩弟，小馬

唔知咩寺，好似幾出名

              今日仲遇到川藏線上見過既兩個人(我地曾經係一塊叫天然氧吧既大石下一齊野餐過)，低能架！ 佢地反騎新藏線回家......好恐怖！好變態呀！

                     由於路程太短，我地下午三點到就到曲水大橋了。 我地係間叫重慶飯店既地方留宿。地方幾破爛。係我地休息時，有兩個黑媽媽既人踩單車踩黎我前面，問我拉薩係邊個方向！我當然問佢地係邊到踩黎！oh! 係新藏線過黎既勇士！我立刻同佢地握手！利害！佩服！兄弟！拉薩仲有70公里！你就到終點喇！我好大聲咁同佢地加油！


                      係間爛房到我唔記得左點解同小馬講起政治呢個話題，之後就開始嘈起上黎！因為小馬話而家政府管理得好好！我當然問好係邊到？中國有句鬧人既說話：祝你下一世係中國做個平凡既老百姓！聽到咁你就知道係中國發生緊咩事！如果係好，點解咁多冤案？咁多貪污？官員隻手遮天！政府無法無天！咁多百姓被政府欺壓？係黨既利益，以維持中國既統一之名！所有理由都唔係理由！普通老百姓條命賤過地底泥。咁真係一個好政府？


小馬答我話唔理得咁多，呢o的比想理既人理！我當時聽到又係好生氣！因為小馬既年紀同我差唔多！點可以咁講！中國既將來就係你地背負！點解會由佢？社會係大家既！呢o的事唔可以置身事外！如果制度係咁，就改變個制度，就算呢一代唔得，都要話比個仔知，下一代唔得，再話比個孫知！呢o的事點可以妥協？成日都話得一個人理唔到！你唔好理其他人點！岩既事就要堅持！只要大家都係咁諗！就算你只係一隻小雞蛋！都唔需要害怕高牆！因為再堅實既高牆都會被千千萬萬隻雞蛋而打破！


                   由於越講越激！秋陽唯有出黎打圓場。我好難過，如果連中國既後生仔都係咁諗，我地既中國仲有希望嗎？可以見到將來嗎？

曲水

              黃昏時落左一陣雨，我係曲水大橋呢個地方，見到傳說既double rainbow，感覺好震撼!!!! 好歲月神偷呀~！我見到既時候忍唔住尖叫左出黎！ 好鬼激動!!! 媽呀！估唔到係真係有double rainbow架！ 真係比我見到！　好感動T^T


爛旅店

你見唔見到呀？

                by the way，呢到聽日無地方係朝早6點開門，即係無人整早餐比我地食， 唯有而家買定聽日既早，午飯(饅頭....唉)　　


係呢一刻我萬萬估唔到.........饅頭會變做日後既主要糧食...嗚