最壯麗的入藏之旅！ 來了就不能退縮 ！

                 4點我第一個跳起身！竟然咁好彩撞到停電！黑媽媽，開住電筒食碗雞蛋麵，跟住就要上路喇！因為今日要走178公里！一定要好早出門，八個人摸黑出發，(我仲因為一路踩車，個頭一路望住星星，而差o的炒車)一開始就有28公里既上山路等緊我地。我地一邊怪叫，一邊出發！(唔好見怪，因為今日到拉薩！大家難免有o的興奮，差在未跳開心舞！)

                米拉山係川藏線最高既山，最高既山果然係最後先挑戰！意外既係唔太難爬。但令人沮喪既就係當以為轉個彎就到山頂既時候！竟然！竟然係另一個Z路！oh！shit！我忍唔住講左句粗口，可能因為期待落空，而且仲有一段咁鬼死長既路，所以最尾呢段路就辛苦喇！因為太傷心喇。

米拉山

轉過呢個彎仲有兩條Z型既路....

望返落去

               　　　 CC以前同我講過話佢兩年前坐火車去拉薩，一心以為見到布達拉宮會有一種好震撼既感覺，點知個感覺竟然係：就係咁喳？佢希望今次用騎車既方式，經歷無數痛苦後，會見到唔一樣既布達拉宮。今晚，唔知道我會有咩既感覺呢？




我終於登上川藏線上最後的一座山。

老鷹

李哥

金龍

八月

當我地上到山頂時，有個女仔都岩岩上到黎！我偷聽到佢打返屋企同阿爸講佢終於踩左上米拉山。但佢太激動，一路講，一路喊，喊到成個淚人咁！

奇怪的石頭

係呢到要比較一下自己同以前有咩唔同！

↓一個月前在成都的我　

 一個月後在米拉山的我。　　　　經過呢個月既經歷，滄桑左，man 左！

由滿臉稚氣，變成man到爆既男人！(吼！)

現在，我們站在川藏線上最後的山頂，這個畫面會是我們永遠的回憶。

               由於今日既行程太長，即使好開心！我地都唔可以係山頂逗留太耐。始終都要走178公里。淨係落山都要55公里。係落米拉山既時候，係我第一次凍到隻手痛，凍到隻手無哂感覺。


落山既路

                    落到山腳既一個鎮，又被檢查喇。因為香港人既身份，被強行留住左20分鐘.....又要登記，又要請示上級咁，攪一輪，令到我遠遠掉隊。之後既平路要用38檔爆上去！我平時唔會用呢個檔。但今日就加速啦！一直踩到墨竹工卡。

                  有人會將到拉薩既行程分開兩日，而墨竹工卡就係中間既休息點！但大家今日決意要殺到終點！就一枝箭咁衝走左。係呢個時候，我條單車鏈因為轉波甩左出黎！頂！再度落後。


今日食lunch既地方，大家係呢到等埋最尾既我

墨竹工卡

西藏其中一個傳奇人物

       我地沿住拉薩河前進，越近拉薩，檢查站越多。所有汽車都要停低登記，所以有一條好長好長既車龍，而我就好囂張咁係o的車中間踩過去！ 而當時我亦將i pod 既音樂轉左做o的好澎湃既歌！我內心o個一團火而家燒得好旺盛！！到喇！到喇！就到喇！

西藏  -  一個讓人魂牽夢繞的地方。我有想過要到這裡旅行，但沒有想到會以騎車的方式。這個想法從來沒有在我的人生出現過，直至九個月前......

如今這個想法，因為不斷的努力，馬上就要實現了。

呢到好似平時日本卡通片o的鄉村，主角返學經過o的路

門釘突然大叫：大家看，看到布達拉宮的金頂了！那裡？那裡？我在後邊叫嚷著。(幹你娘，我甚麼也看不見。)

進入拉薩市，人多車多！左穿右插，我地既目標就係走去布達拉宮。




終於.........


終於....................

一行八人，終於來到。

布達拉宮

一雙腳究竟可以走多遠？

川藏南線全長2166公里，最壯麗的入藏之旅！ 32天時間， 歷盡千辛萬苦， 爬過13座高山， 幾次差o的死之後， 我終於來到布達拉宮的面前。

夢想很大，自己很小


布達拉宮聳立在我的眼前。現在，我就站在這裡！





跨越無數難關，終於走到這裡。

多年以後，我們是否還做著同一個夢？夢著那片神秘的土地，把長長的路途化為一段段傳奇。