工布江達 重遇CC ； 追殺發瘟狗 130公里

                    出門無耐就係路上撞到CC，原來佢都仲有踩單車，不過唔係同我地踩咁解，係同19歲既o靚仔兩個一齊踩。其實今日大家都知道會遇到CC。因為係八一既時候，八月去睇醫生時撞到CC，大家都因為一個月黎左兩次M既原因去睇！原來醫生話唔可以飲太多紅牛。佢地一日o拍兩枝，當藥咁食，醫生通知佢地唔可以再飲。所以我地知道CC都係八一，不過佢無黎搵我地。

                   當大家今日見到CC時，都無咩點理佢....大家覺得佢粒聲唔出就咁走左去同第2個踩，好無意思。一路上大家同甘共苦，大家都照顧過CC，覺得CC太無義氣。咁當時就好尷尬。我唔想咁，而且係呢件事上面我又無咩特別感覺。事但啦，佢唔想同我地一齊踩咪由佢囉。所以我係咁多人入面表現最正常o個個，我同佢講左幾句，我將過兒係魯朗夢遺既事講左佢知，我話過兒呢幾日都唔捨得洗條底褲，就係諗住見到你時送比你。我同CC傾計o個時，19歲既o靚仔一直係好遠好遠咁等佢，唔敢行埋黎。大家就商量不如用石仔扔佢！哈哈

     西藏呢頭成日有交通意外，但唔好將出意外既車放埋出黎，我見到都唔知比咩反應好？

尼洋河

中間經過的牧場

食午飯時，過兒同鷹哥因為小事嘈起上黎。係間麵店到互鬧。最尾大家唔采大家。



呢個景點，大家都無咩興趣去參觀

             　　　踩踩下突然見到鷹哥同八月係遠處推車，仲揮哂手咁叫我落車，feel到有o的唔對路！果然走前兩步，有隻狗衝出黎！仆你個街！一路上受夠你地o的發瘟狗氣喇！我突然發火了！我大叫左一聲！扔低部單車，執左幾舊石仔，衝過去，係咁追住隻發瘟狗黎扔！佢由好凶狠咁吠，去到悲鳴咁叫！我一直追殺左佢幾個街口先至停低！我陷你個家鏟！成日衝出黎嚇人！得罪你咩？得把死人聲！返黎時我既感覺好似獵殺左一隻熊人咁～呢次終於出左呢一個月黎受既烏氣！哈哈

經過門巴族居住既地區，睇黎佢地都幾有錢，o的屋起得又大又靚。可能因為已經接近拉薩，居民都係有錢人。

仲係呢條路都遇到有人係上海徒步黎，佢行左一年！呢個真係痴線

有o的9唔搭8，唔知點解佢無啦啦出現係條路到

                就到目的地時，見到有架大貨車出左意外，成個車翻轉左........咩料呀？今日住既南方旅館令到我有想死既感覺........好核突。又係白色床單但變左黃色o個o的，好嘔心！我要拎個睡袋出黎！