邦達到八宿 再見CC ; 傳說中的72拐 95公里

     今朝又係5點起身，奇怪，點解早到倒屎既時段竟然會有咁多人? 去廁所竟然要排隊?早餐店爆棚。原來尋晚咁岩有一隊自駕遊既朋友住左係到。佢地見到我地踩單車，問我地係邊到踩黎 。佢聽到我地踩過左東達山，佢地個樣顯得非常驚慌。佢地話自己開車上去都頂唔順。唔能夠相信我地用血肉之軀征服左座山!見到呢班人呆左個樣，我有o的沾沾自喜既感覺！呵呵，香港人就係咁堅架喇！　


       今日翻亞拉山，海拔4658米。濕濕碎~~係邦達一出發，竟然被狗追，不過我地人多，唔驚！o的衰狗就係咁欺善怕惡，係我地人咁多既情況下，佢地唯有逃走！哼! 走遲半步就劏Q左你地黎食，咩呀！大陸食狗肉唔犯法架。

天又光喇，究竟我試過幾多日摸黑出發?

       前行3公里平路之後就開始上山，又要做蛇仔，Z型咁爬山去！頂！今日又有解放軍車隊經過，每次佢地經過都好麻煩，因為佢地條車龍好長，一等就要等半個鐘先過哂。如果唔係條路無位我地行！　

我在山上看邦達

大家去左拉野屎，我悶得滯唯有攤屍 (其實我負責睇水)

解放軍車隊

又係漫漫長路

話咁快就上到山頂，翻山無難度。

海拔4658米 ：小菜一碟

亞拉山過後，就要挑戰傳說中既72拐

賜我力量
　　今日終於要通過傳說中既72拐，之前係阿斯瑪村到就見到個9歲既o靚仔踩左上黎!　豈有此理，咁巴閉呀嘛。今日仲唔輪到我作威作福!!


72拐，係咪暈左係到? 呢段路真係有72個彎架!

 Close up

72拐人造衛星圖

條命都唔知有無條路咁長

我落架喇!! 又係一層層既路

仲有人拍左video，有興趣可以係30秒開始睇，你就知道有幾發瘟

下山途中，又同金黃色的稻田相遇

 我在美麗的地方騎車　　（超級歡喜呢張相）

唔好用o的咁憂怨既眼神望住我啦，又唔係我綁住你既....

       過左72拐會去到一個超級荒涼既地區，完全無任何植物，得沙同石。咩料呀?　我覺得自己好似去左火焰山咁.....一片荒涼，鳥不生蛋既地方。　

 做咩自然景觀突然有咁大轉變？

終於見到一pat 草

我架車後面，白色o個pat野係今日既午飯.......

 一直踩

 唔用手

       沿住呢個荒涼既山區會過怒江橋。要被武警檢查，點解成日會比人查.......究竟我係咪恐怖分子?



怒江橋

行埋去就唔影得相，可能會沒收你部機

揹緊幾廿斤既門釘

仆街，有石跌緊落黎! 睇唔睇到? 唔好打中我....

怒江中間有條吊橋，我地係o個頭休息，食午飯(即係饅頭.....究竟我係咪黎修行?) 中間仲有隊越野車隊經過，每次有人見到我地，反應都係呆左。我已經慣......其實如果你有走過我地行既路，就知道人地比咁既反應你係好正常。不過今次車上面有人係深圳黎，我可以講下久違既廣東話。

就係呢條吊橋

我有小小驚條橋斷Q左

過左怒江橋，之後再踩左5,6公里，跟住段路(12公里)就好痛苦，因為成段路都係整緊，整到仲要好誇張o個隻，o的沙塵大到睇唔到前面既路....我感覺自己成個肺都係沙....我最憎呢o的路，總知就麻煩啦!　 呢12公里既路直情可以用痴左線黎形容。仆街! 究竟想點呀? 我就黎死喇.........嗚....係咪要整死我至安樂?



        好辛苦好辛苦好辛苦，真係好辛苦先通過左岩岩o個12公里.......跟手進入左一條村莊...但衰開有條路，入到去竟然刮大逆風.....呢個時候太陽又開始暴哂，仲開始又上坡........o的風又吹到你行唔郁，成隊人都就黎死。 呀...屌你老母，你殺能左我吧啦......唔好再折磨我喇.....最pk 既係呢段路完全無遮陰既地方....好艱難先搵到兩條樹仔....即刻跳入去。唔得喇，我死亡喇........


村莊

 樹蔭底下....快死亡的眾人

好誇張！如果你好眼，你睇下個招牌寫o的咩，當時我真係笑左出黎。

休息左半個鐘之後又出發..... 踩踩下有村民攔路，唔知係咪想打劫。其中一個叫我地同佢影相，我地無咁做！因為通常都要收錢，仲要唔知收你幾多先大獲。由於停左係到，o的細路又開始抆我地o的行李，我地講左句扎西德勒(藏話既你好))就即刻踩走!


點知好死唔死，CC係我地後面係咁講電話，仲落埋黎推車!我地係咁大叫同揮手叫佢唔好講電話，快o的走！佢又唔理，以為我地同佢玩。而o個班村民係佢前面。佢又唔理，卒知被人圍。


我地被人圍剿的村

攔路的村民

再踩左陣，爛路又再度降臨係我前面，門釘同我講話我地兩個係最後面踩.....我今次唔信佢，頭先o個12公里，佢都係咁同我講，最尾佢唔見左(怒!).......

你睇下個藍色牌寫乜？

終於差唔多到八宿，CC話佢想搭車。呢個時候都唔理得咁多，因為今日條路真係令人癲左.....我地唯有繼續移動。

臨到八宿前有個檢查站，咁緊係好開心啦，終於到喇。我多口問個看守阿哥，呢到離個鎮仲有幾遠呀? 佢話仲有10公里。我當場吐血，你話你聽到係咪暈能左係到...... 你既體力已經燒到無哂.......我即情想喊.... 不過路，都係要踩.....我就好似小蝸牛咁....慢慢向城鎮進發


進八宿前

八宿係位於多拉神山下面，而呢座山我地係唔需翻既

八宿係個幾大既城，竟然有超市，高級旅店，仲有卡拉ok，有人提議去搵小姐....他媽的。

旅館

 日落

 magic hour

        夜晚CC同我地講，佢唔同我地一齊完成了。佢話再踩落去都無意義。唔知咁辛苦係為乜？跟住就出左去了! 後尾先發現佢比之前係溫泉山莊條o靚仔溝左！條o靚仔仲比人打唔夠? 我地成隊人憤怒了!  原來今日CC就係咁同條o靚仔講電話，佢半夜仲黎左搵cc......豈有此理!!!! 溝我地o的女.....CC走左，而家得返八月係女仔，我地唔要呀！