康定 康定情歌；第一次訓馬路 51公里

 
     今日一起身就好累，主要係因為尋晚老占死都要睇李娜打波， 攪到夜一夜都未訓....令到我成晚都無教好訓！ 而且因為趕住出門口，搵唔到我個碼錶。唔見左呀！由今日起開始無得睇速度..........不過有件事係開心既，就係早餐店老板個女好靚呀！好想識佢！！哈哈。一出門就係爛路， 又經過一條沙塵滾滾又無燈既隧道....最不幸小弟仲係一條落斜既爛路到pk.... 踩左兩三個鐘之後見到路牌

聽講康定係叫情歌城

     今朝實在太累了， 又訓唔夠， 隻腳又勁痛！ 膝頭痛到郁唔到， 門釘比左o的嗎啡藥我。 但我死都唔要， 因為呢o的藥太勁了！ 平時比槍打中先用呢o的， 我又未到呢o的程度..... 累加痛加眼訓既情況下， 我決定咩都唔理， 就咁訓係馬路邊....實在太累！ 過兒陪住我， 幫我睇車， 因為我訓係馬路邊....o的車經過唔小心就會整死我，嚇到過兒癲左。 過左15分鐘，過兒就踢醒我。 因為又要趕路


我同過兒係最尾追返上黎

痛加累

唯有係馬路到記下呢件事

追到大家之後, 又係休息時間, 因為要等埋係後面既大哥大姐，  所以再度休息~~~ 我又訓了

大家見到我訓得咁過隠，決定影張訓教相

一齊訓啦~~~

金龍偷影我如廁， 被我發現左，叫人以後點見人woo~~~

門釘唔知係咪high 大左..見人就鍚..　＞.＜

八月當災～哈哈

大哥大姐終於趕到上黎了！

我地人齊要影合照！

終於到左康定！  我地入住o個到既青年旅舍！ 環境如下

   　　　　神奇地reception 竟然係廣東人， 即刻用我流利既廣東話係到打探情報。 因為呢到已經開始進入藏區， o個o的武警既車不斷係條街到走黎走去。治安睇黎唔係咁好呀。本來我唔驚架， 因為我都只係遊客姐，唔會無啦啦殺左我掛？但我o的隊友就好驚青， 話藏民好憎漢人！ 叫我一定要小心o的~~~ 講到咁誇， 令我有o的驚~~

  　　　　 自從出左成都之後就無機會上網！ 難得呢到可以上網， 要把握機會同香港既朋友報平安！ 本來明天係要面對川藏線既第一難關， 高4200米既折多山， 大家都有d 擔心！ 所以將一天行程變做兩天！明天在山腰的溫泉地區休息，順便過節！  端午節佢地話一齊做節咁~~ 哈哈


晚黑食飯時，係路上見到小劉同埋遠影。佢地去左雅加情海，聽講佢地爬多左一座山，上面落緊大雪。小劉話完全騎不動。好在無同佢地一齊出發喳。　　　

facebooking