榮許兵站 48公里

        今日出發時，我發現前胎爆左！第一次爆胎...仲打算破記錄，一次都唔爆就到拉薩。不過好幸運係出門口時發現，唔使行行下整咁麻煩！今日既覺巴山好難爬，佢係被公認為川藏線上最難爬既山之一。因為佢超級多個圈，即係你好似用Z型咁係個山既一邊走，之後爬到頂時就翻去山既另一邊Z路繼續踩，今日既行程就係咁轉左好多次！　加上佢o的路係碎石路，難走！ 呢個算係好難踩既山

睇到條路有小小暈暈地

太陽出來了，天未光就已經開始出發

 金黃色的稻田

 呢o的就叫Z型既路.....

畫埋指示比你睇又點話

之後係另一個Z型

望落去，你見唔見到一層層既路 ？ 唉

由個底到踩上黎，你會唔會有o的想死既感覺？

死唔死呀你話？

門釘的車

我黎喇！

 隊長

在下

老占

金龍同過兒今日包尾

你睇下笑得幾天真

痛苦....

過兒追緊上黎喇

痴根！終於到頂

老鷹

尾幾位的朋友

呢幾個朋友打算今日過埋東達山！ 利害！ 祝你地好運  ( 佢地既結局係下篇分解)

      翻過覺巴山之後，到左登巴村，係到食完飯就要再出發！今日好累，走既路好浪費體力，臨到兵站之前既3公里好痛苦！

之前童話世界就好似呢o的蝴蝶咁，　不過上次既規模大好多，鋪到成條路都係蝴蝶

 係登巴村食完飯，做死屍

花兒，花兒

榮許兵站附近

 兵站所在地的小村

         而今日住既地方係藏民開既旅館，環境好糟糕........但無所謂，我都慣左！不過好耐無同香港既朋友聨絡，大家會唔會以為我瓜左柴？？呢條村有一個兵站，而兵大哥聽聞有個香港人黎左呢個咁鄉下既地方就即刻搜尋我！因為係呢到，香港人係稀有品種。兵大哥好想同我換o的港紙黎留念！好在我有一百幾十傍身，佢就好開心用一對一既匯率同我換o的人仔~~



到左之後，去左下面既小河到玩

我們的隊長，可愛嗎？

兵阿哥同我講當兵o的淒涼事，係呢到當兵都幾悶。但我就好開心咁識左幾個當兵既朋友了！晚餐係非常非常難食既食物，老板唔識煮飯架原來...............


   　　今晚好早就要訓，因為聽日要對付五千米既東達山！！8點就要訓，但cc同八月唔見左，金龍就出去搵佢地，結果都係搵唔到！　成十點幾佢三個先返黎，原來o的女仔走左入去兵大哥既宿舍入面玩！門釘因為咁而生氣，因為兩個女仔出去又唔講聲，佢好擔心有咩事。任性既結果就係換黎門釘唔采佢地幾個幾日


我地而家係東達山山腳，聽日就要爬五千米既高山喇！ 係一個咁高海拔既地方，星星係特別明亮，成天都係星星。