旅行者 我想背把結他去流浪 ； 塔公草原

        今日同老李(尋日投奔我地隊)，老占及CC用左50蚊(每人)包左架車去附近既塔公草原！去睇下大牧場，馬呀， 呢o的東東！


往塔公的路上

六字真言， 係山頭上你就可以見到

呢個利害！成個山都掛滿祈福的東東

到了

    嘩！ o個到有座塔成個頂都係用黃金整架！ 好富貴呀！ 之後係到周圍行， 影下相！ 見到康巴族既男人！ 好man呀！ 頂！！點解佢地個樣咁有男子氣概架！ 聽講康巴既男人係世界上種最好既男人。 好多女人係外面黎同佢地上床， 就為左要拎佢地既種生bb！ 生o的靚仔靚女出黎！ (唔知係咪堅， 我都係聽人講)

老左既康巴男人

岩岩講過既成個塔頂都係黃金既大富大貴寺

遙望富貴之家

草原附近竟然有雪山！聽講冬天呢到會成地都係雪

小花

呢到養既馬兒

     　　　　係塔公到玩左一個上午，之後返旅館。  其實我地間旅館唔係新都橋鎮入面。仲要行多5公里先到鎮上面！ 所以返到去就踩單車去食lunch！  呀！ 屌呀 ( 忍唔住爆粗) 我地被狗追！好鬼恐怖，四，五隻狗突然衝出黎，嚇到我痴線！ 仲一路狂追我地！ 我即刻加速踩腳踏逃走啦緊係....仲一路屌佢地老味！ 希望我地廣東粗口既霸氣可以嚇走佢地！但用下腦都知唔work 啦.......結果係靠自己加速而避開呢幾隻發瘟狗！死仆街！ 嚇死我.....


   　入到鎮入面， 我地去食米線！話時話，因為我地而家都算係高原地區，煮野既水係去唔到一百度架！所以呢到會用高壓煲煮野食～～ 之後去採購o的生活用品。 仲去左寄postcard 返香港！ 但抵死既係呢到成個鎮都無postcard 賣！  最有趣既經過一個報紙檔， 佢地無啦啦送左o的postcard 比我地。 不過有印年份既，係09年.......過哂期，但算啦~ 呢o的小鄉鎮係咁......不過鎮入面o的藏民望我地既眼光令到我地好唔舒服，係會望到你心都寒o個o的！所以我地好快就離開個鎮。


            如果要算，今日先係第一日既休整。上次既休息日唔係休息， 係行山.......呢到間旅館好舒服， 樓下係間cafe，好似香港o個o的，我聽人地彈結他聽左一晚！ 呢到先有旅行既感覺。

踏著那單車往西藏～啦啦啦

係旅館外既"千秋" 好似係外國咁悠閒

我好想係新都橋起間屋， hea 住過日子! 呢到既風景好靚呀! 時間過得好慢......