幹你娘(請大聲用普通話唸一遍)，一出門竟然係一個長上坡..........今日總體應該都係下坡既，我要再強調一次！！係應該係會發生下坡呢件事！波密到通麥係海拔下降600米！咁搵人話我知點解門口有個長命斜？
其實尋晚我己同大家開會，要大家小心今日既路，因為會通過102塌方區，而且之前有一段路係死過兩個自行車騎士，佢地跌左落山！(其實成條川藏線係成日發生意外，而且亦都經常死人)，我一路上都好擔心究竟我可唔可以平安返到香港？都仲未到拉薩，我就已經有幾次差o的飛出車同埋"達"落山既經歷.........
一出發就爬坡 ，令我充滿怒火
背後又綁住o的肉包子，今日又係食乾糧既日子
唔好再咁歡喜我啦，我嫁左人架喇
呢到好大霧，濕氣好重。門釘話佢好鐘意呢o的風景，好似中國o的山水畫咁，有條霧繞住個山，再加隻雀飛下飛下o個o的呢。我覺得都ok既，同之前睇開既風景唔同，係另一番風情。
點解係條江隔離係無欄杆？方便o的車炒左後跌埋落去？
呢到係一個好多植被既地區，有人話似原始森林 。大霧中前進
人呢？汽車呢？
行行重行行，突然踩到一個位，見到有另一隊單車隊停左係到，就問咩事呀？佢地手指指咁，叫我地自己行前去睇下咩事！嘩！屌你呀！條路呢？
呢張相就算自己個樣好衰，我都要貼出黎！因為見到呢個情景大家都嘩，嘩，嘩！周圍嘩聲不絕。屌你老母 on 99！我當時真係呆能左，唔識比反應。天啊！條路被山泥傾瀉毀滅左呀！仲被洪水沖走埋.......我係咪睇緊災難片？
成件事係咪好癲呀？想像唔到會有呢o的事發生。
本身條路一直通去對面既樹o個邊.....而家點過去呀？
段路唔見左.......
係搜尋左一陣之後，我地發現左係可以繞過個山繼續前進，咁我地就要起程喇！但條路爛到咁呀。咩事呀？你想點呀大佬？
痴根的路
呢到係一條落斜路，咁我緊係會剎住車落，但有爛泥食住條胎，架車滑一滑。喇！唔好呀！屌你，屌你老母！喂！唔好呀(大聲) 都仲未屌完，我就飛左出去了.......
係呢個shot 之後，無錯！我炒車了！我仆街了！
我成個人飛左出車，好在無撞去o的石頭到，同埋我有帶長手套，無擦損手。加上呢到都係爛泥，跌落地o的力無咁應。只係跌左個狗屎同埋成車泥。
仆街後的我
唔好以為咁就完woo！呢條爛路非常長！之後仲有一段要再上山同落山！但提供唔到相比大家，實在影唔到。要顧掂自己都好難，何況影相？究竟當時發生咩事？o個到條路又係勁窄，又係只可以容納一架車經過！
當時因為要維修返o個條消失左既路，有好多大貨車同工程車經過！每次我都要停低，仲要將架車靠埋山邊，比o的大卡車過！自己都就黎無位企！又鬼咁驚o的車high到我地！真係仲有5,6cm就掂到。陷你個家鏟！o的路又係爛泥路，同到理塘o個段有得比，仲有好多大石頭係條路都突出黎！我枝脈動(大陸好出名既運動飲料)仲成枝好似炮彈咁飛左落山！差o的打中前面條友(金龍)
狼狽，非常狼狽。但有人仲淒涼過我地！就係去拉薩朝拜既藏民，雖然佢地無我地踩車咁危險，但個地爛成咁，佢地仲要五體投地跪拜，成個頭撞落個地到(正確黎講係泥)，見到就覺得慘。好！你地贏！！
過左呢段路就又要上坡，屌！太陽又開始出黎，烈日下上坡！我的青春在盛放！(中暑喇！仆街！) 。上完之後終於一直下坡，呢到就係有兩個車友死亡既地方！我地要列隊落山，唔準快過第一個(即係我) 因為我下坡係最安全既一個！下坡我唔會快過20km。大家去到車友跌落山既地方都停低默哀and 留言。
有邊個想出黎玩，玩到條命都無埋？返唔到屋企呢？其實我自己都好驚！我本攻略上面有一頁特別係講意外既，每次睇到呢到我都好驚自己會死左係西藏，所以每日出發前，我都同自己講一定要平安返到屋企！
節錄：波爾川藏南線騎車攻略
2009年事故太多了。血和生命的教訓提醒我們：我們必須注意自己騎行的安全。相信很多兄弟都有可能是瞞著家人進行這次騎行的，我們也不希望你在途中出現任何意外。永遠記住：生命只有一次，請備加珍惜！
“拉薩之行在遺憾和無奈、堅持和放棄、快樂和痛苦、美麗和危險中結束了。我只想告所有的進藏騎友，川藏線不只是異常艱難，更是異常危險！安全第一常常被疲憊後的麻痺所替代，而更多問題的癥結就一個字：快！”
（2010年及2009年事故太多了，我們不能用生命開玩笑！）
1.2010年8月1日17:00左右，川藏線4081里程碑（離102K塌方區5km處），19歲兄弟，四川人，S形彎道，速度過快，車車撞橋欄杆，跌落帕隆藏布江中，遺體未找到......（車速過快。慢！慢！！慢！！！）
2.2010年5月7日晚8時，車友嘟嘟（女生），滇藏線德欽縣境內，遇到塌方後撞到路墩，遇難。請盡量不要趕夜路！http://www.tianya.cn/publicforum/content/free/1/1884870.shtml
3.2009年8月4日16:00左右，川藏線4083里程碑（離102K塌方區3km處），19歲兄弟，貴州人，S形彎道，速度過快，車車撞橋欄杆，跌落帕隆藏布江中，遺體未找到......（車速太快。慢！慢！！慢！！！）
4.2009年8月5日7:30，青藏線倒淌河往青海方向約5公里處，嚴重車禍，當場死亡3人。頭盔！頭盔！ ！頭盔！ ！ ！ http://bbs.dtbike.com/viewthread.php?tid=11517&extra=page%3D1
5.2009年5月，理塘至巴塘，下海子山途中，隱名兄弟，車速太快，直接衝下了懸崖。汽車車友“7Kai”的描述：
“3天時間我親眼見到的車禍3起（車毀人亡的)。一個騎車的摔下去，夥伴在邊上哭。重慶的兄弟在去巴塘的隧道超過我衝出隧道，就是一個急彎，直接下去。我電話報警了，路上就我們2個車，警察問了一下出事的地方就也沒什麼了。我也無能為力，懸崖太高了！
6.2009年5月7日左右，滇藏線虎跳峽附近，陳姓兄弟，下山時55碼，速度過快，在與對面卡車錯車過程中摔了。鎖骨骨折，只能放棄當年的旅行。 （車速過快，未靠右行。）
試問我又點可以唔驚呢？如果大家真係要踩去西藏，或者效法小弟呢個旅行，請一定！一定要注意安全！再次提醒：各位欲出發的勇士要三思
102塌方區，你睇下o的泥！都唔知幾時瀉落黎！一定要快速通過，中左實比佢活埋，死硬！
102塌方區成段路都係爛路，但通過左呢o的爛路之後就快到通麥喇！yeah!
進通麥前
通麥，其實通麥都只係一條小街
通麥海拔2027米，連續兩日海拔下降好開心呀可？你落左就預左要還架喇，不幸既消息係未來幾日海拔會升返上4500米到！我暈喇........通麥既住宿地方幾好，好似個庭園咁，我地洗哂o的衫，掛哂係個庭園到。好舒服咁哂下太陽。
唔知咩事通麥會有個咁既野
晚上，我又四圍騰，同門釘出去睇星星！去左上面張相既地方到坐。西藏既星空真係好靚，夜晚睇星係我呢排既活動。無帶腳架，有o的震，不過都分享比大家睇。
沒有留言:
張貼留言