浪漫的青春冒險: 爬第一座山 - 二郎山海拔2200米 (小山)　　　　　　　57公里

今日一起身就要爬山了，有o的緊張！係間破爛到不行既旅館食左一碗麵之後就出發........... 二郎山高2200米～ 18公里上坡！雖然個坡好陡，但踩落都唔係咁辛苦喳！真奇怪！希望之後既山都會係咁啦 (呢個純粹係本人既幻想，幾日後呢個幻想就已經破滅左......)

一出發無耐就有人爆胎.....

哈哈！由今日開始，我唔使包尾了！yeah！因為已經由八月頂替左我既位置～呵呵

大家都讚我越黎越利害！香港黎既硬漢(在下，哈) 要爆發無窮既小宇宙了！

　　今日我一直同過兒踩係前面帶頭，過兒仲有o的唔掂！要我停係到休息等佢～難道我係上坡既天才？

快到山頂既路

大約幾個鐘之後我地就殺到上山頂！最左面個阿姐好有來頭，唔知係邊個省既馬拉松第一名！佢踩單車好似裝左摩打咁快！

先頭部隊合照！哈哈 ! 唔知邊個單車會既會旗！我搭單一齊留影

　　我上左山頂半個鐘之後，門釘先帶住八月上黎，我地再係山頂到等大哥跟大姐上山。係呢件事上面我學到點做一個男人! 因為大姐體力唔好，踩唔到上黎，大哥每踩前一段路就停，跟住跑去後面幫老婆推車！到山頂之前既幾里路，大姐已經完全無力踩，大哥竟然用條繩綁係大姐架車到！好似一架拖車咁，一個人用力拖大姐同埋佢架車上黎！ man 到爆呀！我忍唔住鼓掌同歡呼！

終於人齊了

笑~~ 有邊個今日之後會離開呢？

我同過兒

隧道前

進入了

隧道長3公里，入面陰風陣陣

入面好多大卡車呀！唔想成為吸塵機就要戴頭巾了！

出左隧道之後就係一段爛路，因為整緊路，好辛苦咁先走到去落山既路。係落山之前有兩個觀景台！奇怪地有小販係到擺檔

當時大家都好興奮，因為呢到海拔都成2千幾米，好高！( 踩到後面既日子..2千幾米喳？我呸~)

我都要影張相留念

金龍既頭盔，條山雞毛係新溝既旅館老板- 柯大俠係山入面打山雞時拎返黎~~

第二個觀景台

想唔到影完呢張相之後既第二日，稻草就唔可以同我地繼續旅程

落山

門釘痴左，落山去到60km/hr...... 咁快就忘記左小曼既教訓！

山下既小村莊

去到山腳....呢到就係聽日要走既路？呆左..........

唔好嚇我........

到達瀘定只係兩，三點！時間尚早。無咩特別野做。我地住既地方係回家旅館~~25蚊一晚！環境都不錯～跟住我地周圍hea 下，討論下聽日既行程～因為明天會休息一天，聽日會去海螺溝冰川。咁大個仔我都未去過冰川架！

我又同過兒討論國家大事，點知佢竟然係共產黨黨員......！雖然係咁，但無損我地既友情。係瀘定周圍行，過兒話要做東請我食豆腐腦！我好開心啦，諗住食豆腐花啦！點知大陸既豆腐花同我地既係唔一樣架，好難食！浪費左過兒既一番心意。夜晚去左食燒烤！大家問我好地地一個香港人，你跑黎呢到踩單車做乜？我諗左陣......唔識答.....其實我都唔知點解。我唯有講..........因為型囉！哈

門釘戴左八月既眼鏡