再度起程 奪命的187 公里！ 令人震撼的景色

           旅程再度開始，不過今日既路程有成187 公里！係全個旅程最長既一日。所以四點鐘就要起身get ready，而且今日會同好多唔識既人一齊出發！ 因為係傳聞中，今日經過既海子山成日有人搶野！係車友流傳既故事入面，曾經有一隊10人車隊比成班拎住大刀既藏民行李連車被人劫走哂！ 今日單飛好似會有o的危險！

     　我地尋日已經叫早餐鋪五點開門and 做好o的食物比我地帶上路！五點準時出發！ 可能已經幾日無踩單車， 加埋呢海拔高。 理塘號稱係全世界最高既城鎮， 所以呢到有個朵叫"世界高城"。 但都係o個句， 大陸o的野都係信唔過！  一出門我就頭痛...唉， 高反了！ 但無可能要停落黎休息！ 因為我已經休息左幾日！唯有頂硬上

岩岩天光既理塘

出門口既時候係一大片草原， 但我無心機影相！ 之後就沿住條河一直前進， 途中仲經過一片荒漠

金龍的背影

又係一大片既草原

嘩! 雪山~~~ 仲有幾隻小動物  (馬兒)

我們的車隊   (留意:  小弟已在頭排~~~)

一名香港青年正在國內努力中

平路都要上斜！

太多體力既老占~~

浪子既背影

八月

一望無際既路，完全望唔到盡頭......

休息中既金龍

 

踩踩下o的人突然唔見哂！我即刻回頭....望！都係唔見大家， 咪停係到等一陣! 跟住有人打比我話老李爆胎！ 於是我就扔低架單車， 向草原既地方行過去影相! 因為佢地肯定無咁快可以再起程~

被遺棄的浪子二號~~

後尾都係將佢泊好! 見唔見到後面修理車既人群?

呢條路其實都好大塵

吸左我過去既毛牛群!!!

好靚既構圖 , 藍天, 草地加埋毛牛大哥! 係呢個地方影左好多相

其實我已經好累, 因為係高原上踩單車踩左差唔多90公里....係上山之前搵左個地方hea

過兒仲訓埋, 不過佢旁邊有舊屎~~~哈, 你地睇唔睇到?

咁當然我都要訓啦

今日既下午飯係食乾糧! 係食大餅...好傷心! 好想食飯呀! 今日又要趕路， 無飯開! 好悲傷...

上海子山中

 
      而且最傷心既事係上山， 因為早上既90公里平路已經將在下既體能燒清光...我已經無力再踩上山。 雖然今日上山既路好短， 只有區區既12公里。 正路係兩個幾鐘就可以上到去....但因為真係無哂力......結果......


就出現左咁既事....

鷹哥一馬當先， 係海子山佢係第一個上山的

當然啦~ 我地呢o的老弱婦孺緊係行得慢o的

    海子山既坡度唔大, 似平路, 佢係暗斜!  令到我非常痛苦!  我會將佢列入難爬的山!!!! 當然好大部份既原因係因為前面既路

幫cc既車影寫真, 性感嗎??

就到山頂既時候,你會望到一排雪山係你旁邊~~

CC都累到死左..

係極度痛苦之後終於走到山頂!!!見到個牌未?

我走到上黎了! (稻草走之前送我的頭巾, 佢地恥笑我帶餐巾上頭度!但我大方唔介意~~~)

呢條o靚仔坐車上黎, 但扮哂野影相! 廢柴!!!!! (哼! 因為我地日後會非常討厭佢!)

係山頂我地唔可以留太耐, 因為仲有90公里等緊我地! 所以我地好快就落山

笑一下, 影張相留念

海子山最出名既姊妹湖! 兩個湖係連埋一齊架. 但o的水係唔同色  ， 一邊係綠色的

下山既路

我地係山下面, 等後面的隊友

大風, 落山既時候要帶頭巾, 如果唔係會吹到頭痛

人齊

呢張會清楚睇到其中一段落山路

好似宮崎駿動畫既村莊

     　今日既目的地係巴塘， 理塘去巴塘中間會經過四條隧道， 有長有短~! 呢條係其中一條， 大陸O的隧道最黑人憎既係咩呢? 就係入面無燈!黑媽媽， 你起得隧道就唔該你整埋燈啦! 我地ｏ的單車朋友好危險架! 入面又陰風陣陣， 每次入去都好鬼凍!! 而且一出隧道隻眼又唔適應! 好多人因為咁而炒車

      係呢段90公里既超長下坡入面， 最唔開心既係會有幾個上坡! 令人失望........行到咁上下，  見到有架車經過， 上面放滿單車! 佢突然停落黎， 原來係過兒， 八月同埋老占係上海既單車隊友。 佢地6月10日先係成都出發， 差唔多一直坐車黎呢到....(究竟佢地帶單車做乜...?)

        我地又經過一O的金黃色既稻田， 不過今日趕時間， 無停落黎影! 而且中間o的村莊既小朋友黎搶野， 要東西。所以就要快速通過!! 本來今日曾經打算係323 道班到落腳! 咁就可以唔使咁趕!

     但最尾都係決定衝埋去巴塘。夜晚8點， 我地終於到巴塘了! 今日踩左15個鐘單車....癲左.....去到之後好快就搵到地方落腳。 食飯時我地討論聽日既行程! 因為攻略上係話聽日可以溫泉山莊到休息。踩半日之後可以浸下溫泉! 但因為咁鷹哥就嬲嬲地， 佢話自己係黎踩單車唔係黎旅遊! 結果攪到好唔愉快~~~ (當然啦， 最後係決定係去溫泉山莊~~hahah)

          聽日終於要出境!! 終於離開四川， 進入西藏!!!!  佢地成日話我去唔到西藏， 因為外國人今個月入唔到西藏。因為今個月係西藏六十大慶! 本身我地係理塘都遇到幾個德國人， 佢地最後因為呢個原因而入唔到藏!!  不過香港人一定入到! 佢地又話唔得， 結果我地賭一百蚊人仔我入到西藏!!!

我今次sure win~~~~

          今日既景色好靚呀! 一日之內見到草原， 荒漠， 河套地區， 大雪山同埋金黃的稻田! 想像唔到點解呢到o的地方可以一日之內經過哂!!! 太美麗了!!!!!!