尋日已經討論過今日訓到八點先起身！ 但老鷹六點幾就叫醒哂我地話出發...最尾攪左勁耐先話攪錯左....大家再訓返！ o個時我已經覺得身體好累！ 到真係起身出發，我再要求今日休息，不過大家覺得休息係浪費時間........
出發o個時落住雨， 濕氣好重。加上當時海拔高，我一出門口就覺得唔對路，呼吸唔到，吸極都好似唔夠氣， 所以速度好慢。 好累，好辛苦。 身體不斷發出訊號：今日唔掂，支持唔到，快o的停！我諗係尋日透支左大量體力， 今日仲未recover 到.... 過兒回頭問我走不走，我諗左陣！ 係咁既身體情況下，根本就踩唔郁， 於是調頭返旅館。 CC跟住我地返去
旅館老板出黎接我地， 話今日落雨，濕氣好重！ 你地唔慣， 會好難呼吸。老板將我地對鞋放係火爐旁邊整乾佢。 因為落雨， 入面濕哂！ 之後同老板傾計。 老板係個藏族女人， 有兩個老公！ 藏民行一夫多妻or一妻多夫制， 女人如果嫁比一個男人， 佢既親兄弟都可以share 個老婆， 傳說係因為窮，咁可以節省o的錢！
我地會係到留一日，等明天早上老板既大老公返黎， 車我地去理塘...而家就落返房去休息， 我同過兒就落返樓下訓....但我一直都訓唔著！ 因為我內心有o的痛苦...我唔知有無做錯？
我問過兒，我搭車有無做錯？過兒同我講話我地係黎旅行， 唔係黎踩單車受苦！ 呢條路有好多人搭車！有九成人係完成唔到全程騎行的。
但我內心好痛苦！ 明明一開頭只係黎旅行， 影相！ 唔知道點解後來變得越黎越固執！ 一定要完成！而家無啦啦要搭車，我好唔甘心！ 如果尋日唔係chur 到咁盡就無事！ 今日真係郁唔到！ 明明今日休息一日就可以踩得到。等身體回復點會浪費時間？今日成日就係悔恨中渡過！！ 我不斷問自己究竟有無做錯？？但如果硬爆上去，我身體真係會支持唔住.....
夜晚老板叫我地著o的藏衫影相！ 同埋睇到佢地本guest book！ 我見到有條9歲既o靚仔同老豆兩個一齊踩川藏線！ 太癲了吧！？老板話個小朋友有哮喘， 爸爸就帶佢出黎做運動等佢身體好o的( 呢條路線叫做運動嗎？？) 我見到小朋友係東達山到影相！ 我都要殺上呢座五千米既山！！
沒有留言:
張貼留言