芒康 爬升五千米 預備 60公里

            好快就天光，我望住外面，見到班o靚仔叫左架車偷走！  幾個鐘頭後，我地就出發！ 但o個時， 有個藏民開車黎搵佢地， 睇黎係追殺佢地....唔知班o靚仔走唔走得甩呢？


            今日要爬山，爬宗巴拉山！17公里上坡，路並唔係太難走。 我地到左海通兵站既時候就食午飯！ 因為兵站旁邊有間小士多， 最攪鬼既係小士多入面有一隻小窗， 係比兵站既士兵偷偷伸隻手過黎買煙。 而且係記帳， 月尾先找數， 非常old school.... 


上山途中

休息中

你完全唔知道呢兩個係咩人

由於今日既日程太悠閒， 所以我地仲搵左個地方訓教~~ 






樹蔭下....

藏族小孩黎討東西，派老占去解決

 　　 訓醒之後先上路， 不過可惜既係之後撞到逆風，好難踩.....cc 因為m 到所以好痛苦， 踩唔郁。 係就到山頂前既幾公里， 佢係用時速1公里咁上黎( 堅係1公里....) 於是金龍就幫佢搬架車上山頂( 因為金龍今日第一個上山，等好耐都唔見我地就落黎幫手)  因為o個時只係離山頂好近！ 




山頂前的彎路

金龍落緊去幫CC

大家走捷徑

小合照

唔知點解影左張咁基既相

山頂

到哂了

   　　係山頂都無咩停留， 直接一路落到芒康。而且落山途中，我架車個腳踏竟然飛左出黎！oh！my god！係唔係損壞左呀？後尾發現可以轉返上去，就繼續下山。由於我地既快隊早一兩日有人行呢條路炒車， 所以門釘要我地小心o的！ 落到芒康，人地話呢到好雜！ 我又唔係咁覺！ 

下山的路

　　係芒康發生左一件好可憐既事，因為我一落山之後就開始肚痛， 一搵到住既地方就即刻衝左去廁所！ 去緊既時候先發現無廁紙！ oh! my god!!!!! 我唯有大叫救命! 但無人理我!  因為大家仲未上樓...........最後我唯有打開門叫門釘幫我！但佢聽到我叫之後只係奸笑就走左........-_-" 最後係老占扔左舊廁紙入黎救助我呢個苦命人！ 但當時我已經被困半個鐘...


   係芒康到無四圍去玩！ 因為呢到好多警車成日走黎走去。証明左呢到係藏區比較多事發生既地方。 打左個電話比maggie， 因為過幾日要爬東達山， 超過左5千米！ 有o的害怕！ 要打返香港話佢知呢個壯舉~~　 


   八月見我之前係溫泉山莊好似蛇脫皮，今日係行李到搵左樣野送比我， 就係比左個袖套比我！  等我唔好再受傷！好貼心呀！