新都橋 攝影家天堂；翻折多山！

 

          自出發以來， 今日終於要面對超級難關！ 翻超過4000米的折多山！ 我內心多少都有o的怯。 因為人人都話呢座山好難！ 但神奇地，一出發，我又非常之咁好體力， 同過兒一馬當先！一枝箭咁標係前面！ 哈哈

領先的我們！ (嘿嘿.....得戚笑~~)

幾有型！ (我話座山噴出黎o的霧！) 向雲海中進發！

黎到呢到，你可以好唔小心咁，係張相到睇到我地條路係有幾高

我又擺下pose~~

     因為我地都同意做第尾好慘！因為當你好辛苦咁趕到前面既時候，你以為終於可以休息。 點知大家一見到你就話要出發！ 大家係等你既時間已經休息完，而你就一直無休息一直踩。好悲劇的人生啊....！所以踩最後好大壓力！ 而且恩哥經常包尾！ 一定要擺脫呢個命運！ 今日我地係前面跑到累就休息！ 一見到大家係我地視線範圍出現， 過兒就大叫， 跑呀！  如是者， 我地一直殺到上海拔3800！

慢慢地， 高山反應出現

荒涼的山境

 
     係3800米呢個高度， 高山反應出現了！ 我個頭痛到就黎裂開， 過兒仲誇張！ 已經落左黎推車， 佢話個後腦好似係咁比人打咁woo！(假的解放軍..hah) 而且係海拔高既地方踩單車特別快累， 我大約踩百幾二百米就要停落黎。 因為o的體能去得好快.... 好累！係呢個時候， 門釘佢地就開始追到上黎lu~但大家既情況都差唔多， 都出現了高反！  門釘叫我地慢慢黎， 等身體適應左先，最後既幾公里係不斷休息，用龜速爬上去！

門釘

因為高反了.....被大家追到了！嗚......... 咁就影下相先啦

cc

八月, cc, 恩弟!    ( 我點解可以跳得咁高！)

佢地追上我地時的情況！當時我已經跑不動........

 

係上山前幾公里， 我死亡了......但呢到已經可以望到山頂！

           12點半既時候， 我地終於上到山頂了！ 好興奮！第一次見到雪， 我仲爬左上山頂個塔到！ 累到hihi

      大家都好興奮！ 係咁影相！ 畢竟係靠自己既力量去翻過呢座4300米既山！我地係山頂等左一個鐘到， 大哥大姐終於上到黎了...等齊人終於可以影相！等太久，我地係山頂就凍死了.....之後我地一直快速下坡到新都橋！

他奶奶的！ 香港仔黎到了！ (流淚......)

八月受苦了..

毛牛骨

折多山

折多係藏語係彎曲的意思

祈求我們一行人， 平安到達拉薩

金龍展現出男人既激情

呢到就係山頂上再要行上去既塔， 我行上去累到就黎釘！

第一次見到雪， 我仲摸下佢

山頂上掛滿經幡的亭!!  大家如果到折多山， 可以節省腳骨力！ 因為我已經比你地睇左係點樣

唔係講笑， 行上黎真係勁爆累

門釘的單車俱樂部

山頂。好多人賣虫草！我地又被人問係邊到踩黎~~~大家都好豪氣咁講！

 

每個人的名字

隊友們

落山了

你睇落山條路.....(呢o的下坡一落就落2個鐘架啦。 有好多人因為高反，係呢條路訓左！ 我地係幾日後八到， 有個女仔落山時訓著左，炒車跌左落去......變了植物人.....好可怕呀！)

傳說之中呢到叫"攝影家天堂"德我覺得不外如是姐~~~ 直到接近草原既地方， 我先改變呢個諗法！ 太靚了o的風景~~ 花， 草， 河流，毛牛， 馬........但奇怪既點係唔知點解呢到有咁多電線桿...

藏民的家

好靚呀！

我自由自在，係草地上感受青春

而金龍係馬路上感受死亡

呢間屋好靚呀！

我一路係到影相， 直到5點半先到新都橋既旅館

新同伴:老李登場！ (因為同前隊唔夾， 而加入我地呢隊龜速隊！)

呢到個老板7月， 好靚的！  佢本身係backpack，黎到呢到做下野， 點知就stay 左係到。