因為CC唔舒服， 今日打算只到如美， 大約五十幾公里， 大家都覺得好輕鬆。所以成9點幾先出發！ 但我成日都話，唔知條路點，我寧願早o的到hea下好過趕夜路....結果我又一語成籤，開口中
上山
其實風景係幾優美
不過上山就.....
條路可唔可以唔好咁長？
連食奶既力都要出埋
人就好似粒豆鼓咁大
紅毛泥路
老占
好基
肥仔
果然今次又失預算了.....雖然上坡只有12公里。 但條路又係土路， 紅毛泥路~ 八月出發時又話搭車， 唔見左人。 點知我地上到山腰，竟然見到佢係山腳到慢慢踩上黎，就等埋佢啦，仲向佢大叫， 叫佢快o的死上黎! 但佢又偏偏坐係到休息， 我地係個山到等左勁耐...結果佢上到黎比人鬧爆左
當我地上路既時候， 有隻小毛牛BB應該係迷左路。 我見佢追住架貨車，咁緊係追唔到啦...之後我地經過， 佢可能當左我地係媽媽， 就跟住我地! 嚴格黎講係跟住過兒...好攪笑!! 去到差唔多山頂， 見到有班藏民放牛， 咪問你地係咪走失左隻牛呀?佢地就落黎捉左佢走( 雖然唔知係咪佢地養既..)
就係咁既情況
毛牛bb
拉鳥山唔難爬， 好快到頂！ 但下坡既三十五公里就好麻煩！ 點解呢？因為快隊早兩日有人係到被狗咬， 被迫放棄行程！ 再加上佢地有人炒車， 因為隻狗衝出黎， 條路又爛！ 一驚之後就炒左， 又一個人quit 左...
拉鳥山 海拔4338米
隊友
所以今日我地兩個人一組咁落山。 不過最離譜既係條路同去雅江o個條一樣， 爛哂！ 架車一路落就一路"鄧"！ 我個人就黎散.....落山時經過既村莊係被狗追既高危地區， 我仲特登停車， 拎左兩舊石仔係手預備用黎扔o的發瘟狗！！ 但最尾都無事發生
同埋有一件好有趣既事， 就係係山頂既時候， o的細路問你拎野， 你唔比就搶! 今日有個小朋友又係咁啦， 我地無理就落山， 佢就追我地！咁當然係追唔到啦! 但當我地落到咁上下， 停係到休息! 佢係上面一見到我地停低， 就即刻衝落山追我地! 當佢差唔多追到時， 我地就又踩走....如是者， 比佢追殺左十幾公里
太肚餓
不得不提既係今日落山經過既平安村有個好夢幻既晝面， 就係有好多好多蝴蝶! 有段路係見唔到條路。 因為鋪滿哂蝴蝶， 當架單車經過時， 全部蝴蝶飛走散開， 讓條路比你....個身仲會撞到佢地....好童話世界既感覺! 非常難忘!!!!!! 好美麗的晝面!!
進平安村前
路上的花
當我地一直落到山腳， 有幾個開電單車去西藏既人經過， 讚我地係真正既勇士。 我又無講o的咩客氣說話既! 因為我覺得自己真係受得起!! 我翻過幾多座高山， 我受過幾多苦? 當我地一直走既時候,，行係一條水流好急既大江上面， 個畫面好恐怖!! 我唔敢望落去! 真係緊驚! 如果跌Q左落去，大家以後都見我唔到， 條路又爛呢!!
呢條路又係癲既， 因為好多沙石同泥， 個胎食唔實條路!! 有幾次差o的炒， 嚇到我死咁滯!!!! 因為旁邊條江真係好得人驚.......中間有一段又係單程路! 真係痴線架！而且當時有個藏民同我講話漢人無資格行呢條路( 部分藏族非常憎恨漢人)
其中一節恐怖路
係驚到喊既情況下走完呢條路， 跟住過條橋會見到條石柱。 上面刻左好多人名， 呢o的人就係為左修岩岩條路而死既人....... 而呢到就係如美。 但唔知點解呢到好臭好臭， 成條村都充斥住好大陣屎味！ 所以我地就諗住走多五公里去攻略上既教授客棧到住
紀念柱
但越行越唔對路， 點解係上緊山？ 而且明顯地呢到無住宿點。只係一條上山的爛路？咁唔對路woo， 已經3點， 唔通我地呢個時候要再翻覺巴山？ 會死架woo! 真係半夜12點先到下個目的地! 我同過兒，八月停係到好絕望咁討論， 我話不如返落去如美住，八月就話搭車! 過兒就話我地踩到天黑， 如果都係無地方住， 就搭車！ 係我地都同意過兒既意見之後就繼續踩！ 係踩多一個鐘之後， 係一個彎位竟然發現左教授客棧....你係外面係完全睇唔到佢
破爛的店
床單係濕濕地既.....
係佢出面望落去，你會見到咁。咩黎架？ 係一架唔小心跌左落山既車 (已成廢鐵....)
客棧內部
終於搵到地方落腳， 不過呢個地方破爛既程度可以話係史上最強...... 白色既床單係黃色既，仲濕濕地。 好嘔心! 但有得訓就算! 明天仲要趕路
傾心事的兩人
沒有留言:
張貼留言