進藏！西藏界：溫泉山莊！ 暴力事件 大陸好可怕呀..... 48公里

     今日只係踩五十幾公里就會到溫泉山莊，應該係好輕鬆！ 所以今日大家都好hea 咁出發， 早餐仲要去左食米線！ 跟住尋日坐車既o靚仔又黎搭台， 好討厭呀！不過CC 好受落！ 頂


      五十幾公里諗住好輕鬆啦，偏偏今日逆風， 而且係勁大風！ 所以係完全踩唔到， 係勁爆累！ 仲要有一段長上坡！ 真係他媽的！  我地今日經過金沙江！ 好想快o的到金沙江既橋， 因為一過橋，o個到就係西藏

住係山頂都唔知點死？條路點行呀？我曾經幻想過踩上去.....

再睇下...

金沙江上的鐵橋

呢條唔係平路，係暗上斜既路...賤格。仲再加埋逆風......T^T

八月包尾！

兩條河流交匯， 奇怪既係，色彩完全分明

休息既地方

路邊小花一朵朵

到了，要過境

係累到癲既情況到達，第一次見到路牌！拉薩呀！

好興奮！ 終於入藏

影完相，被驅趕......

四川... 結束！

我順利過關！ 但大家賴皮..........

同伴

CC

同呢班人一齊進藏！

          今日既日頭好猛， 熱到人熔化，所以除左件外套！ 結果一直哂到去溫泉山莊！ 呢到既日頭真係好毒！ 條路又荒涼， 得個山， 而且係完全無植被既！ I am in Tibet now！  而且山上面o的石仔好似好唔穩陣， 成日好似有o的大頭跌落黎咁！


昌都地區既地圖

係太陽底下前進， 唔知幾耐之後就到左溫泉山莊了！  o個到有兩間旅館，係格價( 講價) 後我地就係減價o個一間住左

        我地本來住一間十蚊既大房， 後黎門釘要同八月住。 老李同老占又自己開間房，(25蚊一個)！我就唔肯啦~ 因為我要節省錢！ 怕將來路費唔夠~~ 之後過兒又叫我搬房，話貼我個差價！ 仲話兄弟無計， 我緊係死都唔制！ 但佢盛情難卻， 唉，算啦，住貴o的啦~~我地最後加埋CC 入去，3個人share一間房…呀!今晚住25蚊好貴……..同埋呢到食飯都好貴！ 有個爛溫泉就咁囂張！ 欺壓我地呢o的窮苦學生！批鬥你呀喇！今日食兩餐食左成78蚊！！ 豈有此理！！

      

         食完飯我地去浸溫泉， 今次唔係野溫泉， 旅館整左條水管， 係個山度引水落黎！ 開水喉浸溫泉， 係咪未試過？我浸左一陣就頂唔順，呢個太熱！ 我覺得好似要灼熟我咁...就返房沖涼， 而最低能既係佢無花灑，得浴缸！ 但個缸係黑色既…….. 我用個最蠢既方法。 用個水柸係水喉到裝水之後倒落個身到….

          夜晚食完飯！ CC 叫我地同其他人一齊玩。 因為CC好鐘意，我地好討厭o個堆男仔又同我地住同一旅館！我緊係唔去啦! 好在無去， 因為佢地之後一路玩， 一路飲酒， 仲同側邊既人嘈起上黎! 結果打左人地一巴! 跟住有五十個人衝左出黎！！包圍佢地！ 而且係藏民， 人地要佢地賠兩萬做醫藥費！ (我見識到勒索！)咁班o靚仔邊有咁多錢woo？ 咪講數lo! 後尾講唔埋， 公安就黎左! 


　　　諗住警察黎左就無事！ 呀！ 仆你個街， 警察唔係黎調停， 係諗住分埋一份!!!what the fuck???好似話叫賠小o的， 但要比錢個公安settle！係呢個時候， 有個公安走埋黎同我地應屎應屁! 講左一大輪費話， 最後扔低左句， 唔好咁多事， 無事就返房訓! 呢頭好危險!!!! (恐嚇埋我地.....)咁門釘就趕我地呢班鴨仔返入房， 我當然係打開小小門偷睇! 但好似無咩料到…

   

       係無野玩之下唯有訓! 不過訓訓下突然比o的爆玻璃既聲嘈醒左， 跟住我就聽到有人大叫咩國家， 民族之類咁…之後就聽到呢到係四川， 雲南， 西藏既交界,。 三邊既警察都唔會想管呢到! 呢到係三不管之地， 跟住我又聽到爆玻璃聲， 然後是慘叫!!!我即刻叫過兒叫埋其他人去幫手!  不過過兒唔肯!仲捉住我唔準我出去!!! 叫我唔好咁多事，話我唔理解中國國情!  佢地唔肯出去， 我一個人出去都係死! 出面有幾十人!  o個時我好生氣， 點解大家唔出去幫手!! 點解要袖手旁觀!! 我真係好討厭中國人o個種唔關我事就唔理既性格！

一段時間之後就無哂聲，唔知佢地點呢?

住的地方

 晾衣服的村民！

     


爛溫泉