折多塘 野溫泉 17公里

           今日既行程好簡單，只係踩15公里到折多塘。 去浸溫泉！畢竟我地係黎旅行既，要享受一下。 今日既我好似啪左丸仔咁利害！一直領先， 鬼死咁勁。 上山時，有個阿叔岩岩係折多山落黎， 佢既情報係話山上面無落雪。 路況還好！

山中的野溫泉。　眾裸男

     　　上山時經過好多民居，突然有個後生仔跳出黎同我地講，話我地好勁。 佢都想係呢到踩單車去拉薩！ 我同佢講：不要幹傻事，很苦的。 但佢話有呢個想法！ 好！ 朋友，有種！ 你遲下就挑戰啦。不過如果你中途放棄，搭車既話我就斬你！

上山

幾咁利害！不過pk既話我一定喊...

中途見到既馬兒

折多塘旅館

門口有塊布比人留言

當然身為hall c 既一份子！ 我一定要寫低， 話比人知，我地hall c 人有幾勁！

藏民開的住家店！ 40蚊人民幣包夜晚飯加早餐！

都幾企理       (日後回想， 呢間係所有藏民開的旅館中最乾淨的)

我訓係角落

   
     　　食完個lunch！ 大家就開始洗車，平時我都唔洗既~ 洗乜鬼姐， 一陣間又污糟返，唔通日日洗咩！但咁得閒，我抱住事但求其既心態，搵條水喉射佢兩下就算~~~~  佢地同呢家人既三個女玩。 佢地叫三個小朋友教藏語， 我即刻叫佢地幫我寫低藏文既幾隻字！而寫既野就係： 我無錢， 唔好搶我野！哈哈～大家鬧我，叫我唔好教壞小朋友！ 大佬呀， 真係有用架嘛！拎黎救命架。

     　　教完藏語，三個小朋友就帶我地去浸溫泉， 因為個溫泉係山入面，係野溫泉黎！但上山條路又鬼咁爛， 又係郁一郁就跌落山o個o的！ 他媽的..............去到溫泉，但有個阿伯係入面沖涼....冼頭水呀，沐浴露用齊...想點呀？

會出意外的山路........

左下角就係沖涼阿伯

              另外，不幸既事就係我地浸浸下竟然落雨！ 唯有浸多陣等佢停啦。 點知一路都唔停....唯有冒雨回家。結果濕哂，又攪到成腳都係泥！ 因為走山路返落黎，諗住返到黎沖涼啦。 點知呢到既熱水係太陽能既！而家已經天黑.......佢既熱水係有19度架！非常冰涼......oh， my god！ 沖唔到涼。




一齊做節( 端午節)