海螺溝

   　今日去海螺溝，我咁大個仔都未見過冰川。 因為係瀘定搵唔到車去海螺溝，所以我地包左架非法的士。50蚊人仔來回， 都幾平。好在我醒目仔，帶埋張學生証黎旅行！係海螺溝可以買學生飛！哈哈。 加埋架觀光車載上去，盛惠152蚊人仔。

公園門口

觀光巴士落車站

   　　　咁大個仔第一次去冰川！ 好期待， 上到去第一時間send 個sms 比maggie， 話我到左一個大冰川， 唔記左呢到係3千幾米定四千幾米！ 落車之後有好多人大叫， 話高山紫外線好強， 會傷害眼睛！ 一定要買太陽眼鏡，攪到我都驚驚地。 卒知就比錢買左副..

下車時見到的雪山，懷著滿心期待上山去

    　　走到一個位， 係可以揀行上山定搭cable car 上去。 因為架車好似又係貴野， 所以我地揀左行上去...不過好累呀...同踩單車一樣咁辛苦...明明今日係休息， 點解仲會繼續勞動？

到左冰川！ 見唔見到cable care o的線？

     　　我地之後仲要行落去.....條路好崎嶇... 而且冰川原來唔係白色， 係咁既色既.....好污糟呀！原本o的水將o的沙呀，石呀一齊冰封左！o的色好嘔心...同我想像中完全唔同！好失望

向上望到既雪山

懶係有feel

       當我地去玩既時候， 稻草接到屋企既電話， 屋企有人入左醫院， 要佢即刻返北京！ 就係咁我地又有一個同伴離隊。



總結：海螺溝唔抵去。不過係四個月之後，有個韓國朋友黎左香港探我，佢比我睇佢係海螺溝影既相，完全唔同。可能佢係冬天去！個景色靚好多