我地三個會直接坐車去理塘等佢地， 老板既大老公一早返左黎幫我地pack 單車， 之後van 仔就出發了 ！ 一路上我都好惆悵， 架車一路開， 我一路周圍望， 搵下大家係邊！
之後， 最經典， 算係呢個旅行最危險既事發生了！架車壞左， 個軑盤轉唔到。咁都唔係一個問題! ！咁大老公就落車整， 原來架車底盤連住軑盤個野斷左.....而個問題係無得整既情況下......佢竟然係用鐵絲將佢地綁住...唔係呀..唔好嚇我........
大老公話放心， 就算轉唔到彎， 我仲有腳踏可以剎車....... 你幻想一下，親歷其境，當你聽到呢個答案。 我諗你同我係一樣...嚇到呆左.....而且當時好大霧，又係懸崖邊， 好容易出事....好恐怖呀pk！我成程車都擔心我地會唔會衝左落山...你可能會問點解唔落車呢？ 問得好！ 當時我完全無呢個概念......
行左一段路之後終於追到佢地， 大家成身都係泥， 好辛苦咁爬行緊！ 因為當時理塘到巴塘整段路都修路， 條路爛到個程度係o的 泥係有成隻前臂咁厚！ 太誇張！ 幫大家補給左之後， 通知大隊我地係理塘會合
街燈
理塘的門口 ( 又一典型中國地方例子： 華麗的城門， 破爛的城鎮 )
我之前睇相， 都見到個town 旁邊有個大草原！ 好草原風情呀..
晨曦
夜晚
雖然一路上我地都好驚， 希望唔好死左係路上........而家我地快佢地兩日! 我地去到之後想好好利用呢兩日去稻城亞丁! 但去稻城原來最少三日! 所以就打消左呢個念頭! 就乖乖係理塘等大部隊
佢地係第2日就到左理塘， 之後再休息左一日!因為之前o個段路太苦.....係理塘呢三日我地都五點就起身， 去天葬台睇天葬! 但三次去， 三次都睇唔到....-_-"
達賴三世出世既地方
參觀長青春寺， 入面有間喇嘛學校
呢間學校有無feel?
佢地用既書本
西藏的魔法學校！
回覆刪除