翻山後休息 鷹哥出走 ; 情書寄港

今日大家決定休息，翻山後需要調整

       天未光老鷹就自己一個人走左，因為佢覺得休息係浪費時間。我地都無辦法留得住佢.....今日大家決定去河邊洗車，不過我之前都講過，我唔係咁好呢o的野，但大家咁有興緻，我唯有一齊去。(內心係打算去到玩水) 中間仲經過警察局，佢出面放左塊告示板，上面貼滿左交通意外既相，係o的人爆頭呀，甩手甩腳咁o個o的相。其中有特別多o靚仔爆頭 or 腸，唔見左手腳既相(無打格仔)。因為呢到o的小朋友好興開電單車，所以條路成日出意外。睇完o的相，我有小小想嘔

美麗的河流，但我地係佢入面洗單車............

呢到o的水都係兩隻色架

其實我落去都係做下樣，你睇我行行企企，無事無幹咁企係到就知咩事。

門釘同老李就走左出去河中間影相

彩虹

            其實朝早我有個任務，就係買信紙，不過周圍都無，竟然係咁難買？頂，乜而家無人寫信架喇 ？乜咁無文化架.....我今日要寫情信返香港呀(好八十年代)，今次我自己一個跳出黎旅行，而且個旅行好似又真係去得耐左o的，我仲skip埋拍拖週年........好有罪惡感。所以我要做o的事去哄下女朋友！我諗寄情信呢o的老士野，佢收到可能會好開心。而家好有o個o的我被人捉左去鄉下勞改，寄信返省城報平安既感覺，好old school。而且我仲寄埋係理塘一個喇嘛送比我既平安繩返去。佢陪我翻過東達山，好有意義。


   　　　    其實我女朋友真係好包容我，我當初話去一個咁癲喪既旅行，佢咩都無講，剩係講左句好呀， 完全無阻住我。而且出發前一日係我生日，佢畫左幅砌圖送比我，話我要去西藏好唔捨得我，臨走時仲喊哂，好鬼心痛。令到我成個旅行每次諗起佢就諗起呢個畫面......鬼死咁陰公！