呢一帶係著名既泥石流同埋滑坡區，所以有個國家地質公園博物館區係附近，通麥出門轉個彎就到。 再走兩步會見到通麥大橋，亦都係今日我地要通過既橋，但呢條爛橋竟然係交通重地？有武警把守。要過去對面，要先等對面既車先過黎。我地呢o的騎車既，都唔係好佔地方姐？做咩唔放我地過去？一等就等左半個鐘。等緊既時候同個兵阿哥傾計，佢話平時訓練，4個鐘就可以跑到去鲁朗 。即係一個鐘跑17公里？呸，發瘟架你！呢到去鲁朗 71公里，仲係山路。你跑車黎架？當然我無當面笑佢，一陣佢老羞成怒，一槍打瓜我就死。
旅館，成間都比人寫滿哂留言
呢條狗屎通麥大橋好恐怖，由木板搭成(定鐵板呢？唔記得了)總知就中間斷左幾塊，同埋有幾塊係得返一半。條橋會唔會斷架？一路行我隻腳一路震，我唔敢望下面，好驚呀痴線！喃無阿彌陀佛！
斷了的木板下是死亡之河
通麥大橋，pk! 我睇你幾時斷
過兒成日都要踩我前面，但佢上坡又慢，擋住我。又幾次攪到我差o的反車。
過橋後既14公里係地質災害危險區。路又變到好窄，而且係泥濘路。上斜落斜既坡度都好大，有o的地方剩係推車先可以過到。總知就係一個字 - 險
中間見到有隊車隊搭車走左，
失敗的人，搭車走吧！而家o的後生就係咁易放棄～挑 (囂張樣) 老子會走完呢條路
朝聖部隊
我o的行李頭先飛左出黎，金龍幫我綁實o的
好快我地就見到排龍天險 - 老虎嘴。呢段路成日，成日有意外。成日有車跌落帕隆藏布江，仲要係搵唔返o個隻，係然烏咪有人話比我知早幾日又有車跌左落去囉。唔知係咪因為呢到死過好多人，所以有咁多經幡掛係到呢？
o的水流幾咁急！
踩踩下突然見到呢條咁得意既橋，你睇下佢搵咩做既
好勁呀！！！
我地就係被佢吸左過去
玩左半個鐘到，就又要起程喇。
見到呢舊石，我唔知比咩反應好。
今日又係無飯食，唯有食路餐，咁岩有舊大石遮陰，所以就係到休息。唉....我食壓縮餅乾喳....
同埋有個好消息同大家宣報！就係過埋今日之後就無哂爛路喇！（歡呼） 呢個位就係分界線！yeah！ 好開心呀！
門釘
下午會走過28公里既無人區。累到癲左................由於八月一直係最尾，我同老占就搵個位坐低等佢。老占同我講佢細個係黑龍江過既日子，嘩！好苦呀！其中一件事我最記得就係佢細個無食過生果，有次有人送左個蘋果比佢屋企，而個蘋果被屋企人雪左係冰格，細個既老占得閒就拎出黎啜幾下咁.........T^T
到鲁朗前既風景相當不錯！
o的樹唔知點解有o的奇怪既白色野
完全係咩都無既28公里
你望到既只係一片樹木，搵個人都無。
踩踩下我又被o的花吸左過去，影左幾張相，係個全部都係花既草地到hea左陣。好靚呀！
經過既牧場
呢到係一個小賣部，終於見到人煙喇！即刻進行補給。
進鲁朗前
係進入鲁朗既時候又有一個檢查站，外面貼左一張紙！話有一架越野車係老虎嘴o個到唔見左，懷疑係交通事故。好恐怖呀！四個人連埋架車唔見左，正路應該係跌左落江沖走哂架喇！應該都係搵唔返。
鲁朗最出名既石鍋雞！但我地無食，因為太貴。一人要一百蚊
我地住既旅館！其實裡面係板間房。
入夜的鲁朗，你見唔見到有個雪山係後面？
排龍天險.....可能係我記錯啦......盤龍天險會唔會有氣勢D =.="
回覆刪除