邦達 川藏線已完成一半 103公里

        攻略上寫今日既行程係休閒級別！因為全部都係平路！結果今日成日CC就係咁話呃人！的而且確今日既路無咩特別， 係長左o的姐。而且間唔時要上下斜咁囉。


出發時要先經過一條藏村

門釘個貨架其實係理塘已經斷左，好辛苦咁捱到左貢！不過貨架最尾都頂唔到，而家佢要揹幾廿斤野係背脊

開頭李哥同我，八月講話我地包緊尾，我地咪起勢咁一直踩！但追極都見唔到人影，原來我地係帶緊頭，所以一直踩都追唔到佢地！原來地唔知邊個爆左胎，係後面整緊，我地就係其中一條村等佢地！


村民甲，乙

綠油油

係呢條村到等緊唔見左既隊友～

呢個媽媽得17歲........

傳聞中話好靚既玉曲河，麻麻姐

我地今日係沿住呢條河前進的

好牛不欄路，同我死開！ 車死你呀喇

其實做毛牛都幾寫意，你睇下佢地無事無幹係河邊訓，得閒又落去浸下水咁

我地會係呢ｏ的陰影位下休息

間唔時有呢o的路行下

嘩！ 呢個地方利害！ 係個大牧場黎架

里程碑

休息大隊

今日老占唔舒服，一直係最尾

老占累到就算坐係堆屎隔離都已經無咩所謂

見到油菜花即係就到邦達

Close up

入邦達前，有對標語貼左係外面：   缺氧氣，不缺志氣 ；海拔高，鬥志更高



熱血小子再次充滿力量，與天比高既雄心壯志瘋狂咁燃燒起來



  　　　邦達係由三條街組成，而三條街既位置岩岩整成一個三角形，中間有一大片空地！我地去到既時候，發現鷹哥係其中一間旅館等緊我地！佢話唔會再離隊！哈哈，知錯喇嘛！我地估佢一個人踩一定好悶~所以都係打算同返我地一齊好嘈咁出發。


    　　　今日我唔小心坐係舊石到整爆左條褲，cc 好好咁幫我連返條褲....好感動呀！！ 同時亦非常感概(試問呢o的事會發生係香港女仔身上嗎？？針線係咩黎架？ 爛左做咩要補返佢？)


      食飯時門釘突然提起出發時個肥仔蒼狼，話佢一開頭係好多旅館到留言。但自從搭左車之後就從來都無再見過佢寫字，後來佢好似一直坐車到拉薩


o的旅館通常比人留言留到咁，用紅色字好似收數佬......

     因為我地住住o個間旅館有兩間分店係到(咁細既地方都開兩間鋪..真係咁好生意？) 而不幸地我地住o個間無熱水供應，唯有去另一邊沖涼！但熱水有限，用完就無！最尾解決既辦法係我，門釘，過兒三個一齊沖涼......



今日已經走完成個川藏線既一半

邦達面貌

入夜