出發到新溝 87公里

          今日7點鐘出發！由於雅安都幾大，金龍同埋遠影掉隊迷路了！ 結果大家就係出城既路口等佢地。係呢個位有o的公仔比人影相。係講以前o的人點走去西藏， 揹住幾廿斤野， 走一段比而家更爛同埋更危險既路， 而且閒閒地走佢兩，三年...太利害了


同公仔合照

根據攻略既指示， 今日既路係起伏路........乜咁既路都叫起伏路咩？呢o的叫上坡囉......頂你！

頂.....好X累

老占已經超越我

你睇我個樣咁痛苦就知我仲未慣啦

金龍既超人面具

      點解呢o的路會叫起伏路？明明就係上坡，上坡，再上坡.....膝頭好痛...好想推車呀！ pk！ 但唔推得！因為如果你推左一次， 以後遇到辛苦既路都會推！ 朋友！ 頂住呀！ 要做個男子漢呀！


聽日我地就會上二郎山

我都唔蝕，拎左黎玩

     　　　

     　　當我以為快到目的地既時候..竟然又係上坡上坡再上坡.....只能用悲傷既心情去召喚目的地快o的係我眼前出現！新溝你在何方？我地係個山到不斷轉圈， 門釘每次都話轉埋呢個彎就到， 結果當然唔係啦。所以每次佢都比人踩台！   當初我想一個人行呢條線...實在太不自量力


   
 　　　終於到新溝了。 但居住環境幾惡劣下， 但呢到只係收十蚊一晚住宿， 將就一下啦！返到旅館，我既膝頭好痛，我諗係勞損過度。門釘借左枝趺打油我查，痛到我呱呱叫。過兒同埋老占訓係雜物房入面。雖然件事好差，不過好攪笑！另外，老占知道我痛，送左隻護膝比我！

            而小劉同埋遠影就會離隊，因為佢地聽日唔想入瀘定，想直接係二郎山山腳直接去海螺溝o個邊！但大家唔想咁行。所以係意見分歧下，佢地兩個就決定離開。

            同埋旅館個廁所太嘔心...因為個屎坑o的水好滿，你倒水落去，o的水會彈返上黎賤落你度.......完全係想死。另外，係無得沖涼架。 成身痴"林林"， 床單又黃～ 好在買了睡袋！ 立刻跳入去訓。今晚我同大朱一間房，夜晚突然有隻大昆蟲飛左入黎！嚇到我癲左，因為我好驚呢o的野！好在有猛男大朱幫我消滅左佢！而且因為旁邊就係馬路，o的大卡車經過時會好似拆樓咁嘈，我有耳塞先訓到。



呢度興留言係旅館度，你鐘意寫邊就寫邊

係呢到要提一件事。就係我唔食辣既。一開頭大家點既菜全部都係辣既。因為食川菜，無野係唔辣架。但門釘為我著想，每次都會點幾個唔辣既菜比我。受隊長照顧了！